Бахшида ба Соли байналмилалии ҳифзи пиряхҳо китоби «Қалби яхбастаи Осиё. Пиряхҳои Тоҷикистон дар мусаввараҳо ва суратҳо» ба нашр расид
ДУШАНБЕ, 08.08.2025 /АМИТ «Ховар»/. Бахшида ба Соли байналмилалии ҳифзи пиряхҳо китоби таҳқиқотию маърифатӣ бо номи «Қалби яхбастаи Осиё. Пиряхҳои Тоҷикистон дар мусаввараҳо ва суратҳо» («Ледяное сердце Азии. Ледники Таджикистана в рисунках и фотографиях»), ки аз ҷониби олимони филиал таҳия шудааст, ба нашр расид. Дар ин хусус 7 август зимни нишасти матбуотӣ Директори иҷроияи филиали Донишгоҳи давлатии Москва ба номи М.В.Ломоносов дар шаҳри Душанбе Рустам Ғанизода ба хабарнигорон иттилоъ дод.
«Китоб зебоии табиӣ, аҳамияти ҳаётӣ ва осебпазирии пиряхҳои ҷумҳуриро ба таври муассир инъикос ва ҳамчун манбаи илмӣ-маърифатӣ доир ба масъалаҳои тағйирёбии иқлим ва пиряхшиносӣ хизмат менамояд»,-иброз намуд Рустам Ғанизода.
Дар донишгоҳ се озмуни мавзуӣ, аз ҷумла озмуни расми беҳтарин дар мавзуи «Пиряхҳо ва мо» байни хонандагони литсей, озмуни эссе дар мавзуи «Аҳамияти пиряхҳои Тоҷикистон дар таъмини захираҳои обии Осиёи Марказӣ» ва озмуни видеоролики беҳтарин байни донишҷӯён ва конференсияи байналмилалии илмӣ-амалӣ таҳти унвони «Геология ва пиряхҳо: мушкилоти мубрам ва дурнамоҳои ҳифз дар давраи тағйирот» гузаронида шуд.
Дар нишаст иброз гардид, ки соли равон аз ҷониби профессорону омӯзгорони филиал 5 монография, 8 маводи таълимӣ ва 124 мақола дар маҷаллаҳои даврӣ ва маводи конференсия нашр карда шуд.
Роҳбарияти филиал барои анҷом додани корҳои илмии омӯзгорон ва кормандон шароити мувофиқ фароҳам овардааст. Аз ҷумла, бо қарори директорат барои ҳимояи рисолаи номзадӣ дар ҳаҷми 20 ҳазор сомонӣ ва барои ҳимояи рисолаи докторӣ дар ҳаҷми 40 ҳазор сомонӣ мукофотпулӣ муқаррар карда шудааст.
Раъно НУСРАТУЛЛО,
АМИТ «Ховар»
АКС: АМИТ «Ховар»
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
