Дар Донишгоҳи давлатии ҳуқуқ, бизнес ва сиёсати Тоҷикистон шумораи шартномаҳои ҳамкорӣ бо муассисаҳои хориҷӣ ба 149 адад расидааст
ДУШАНБЕ, 03.08.2025 /АМИТ «Ховар»/. Шумораи шартномаҳои ҳамкорӣ бо муассисаҳои хориҷӣ дар Донишгоҳи давлатии ҳуқуқ, бизнес ва сиёсати Тоҷикистон ба 149 адад расидааст. 29 донишҷӯ ва 29 омӯзгори донишгоҳ дар барномаҳои табодули академӣ иштирок намуданд. Дар ин хусус зимни нишасти матбуотии Донишгоҳи давлатии ҳуқуқ, бизнес ва сиёсати Тоҷикистон хабар дода шуд.
Ректори Донишгоҳи давлатии ҳуқуқ, бизнес ва сиёсати Тоҷикистон Шероз Муминзода зимни таҳлили натиҷаҳои фаъолияти донишгоҳ дар шашмоҳаи якуми соли 2025 ва дурнамои он барои солҳои оянда иброз намуд, ки донишгоҳ аъзои созмонҳои бонуфузи байналмилалӣ гардида, ният дорад ба рейтингҳои ҷаҳонӣ ворид шавад.
Донишҷӯёни донишгоҳ дар озмуну олимпиадаҳои ҷумҳуриявӣ ва байналмилалӣ соҳиби дастовардҳои намоён гардиданд. Аз ҷумла, дар озмуни «Муҳаққиқ ва ихтироъкори ҷавон» донишҷӯён сазовори ҷойҳои ифтихорӣ шуданд. Ҳамчунин варзишгарони донишгоҳ дар 46 мусобиқа ба гирифтани 14 медал шарафёб шуданд.
Имсол дар донишгоҳ толорҳои нав, озмоишгоҳҳо ва синфхонаҳои муҷаҳҳаз ба истифода дода шуда, барномаи сохтмони маҷлисгоҳ идома дорад.
Бо мақсади рушди забономӯзӣ дар донишгоҳ аз ҷониби мутахассисони хориҷӣ омӯзиши забонҳои англисӣ, фаронсавӣ, чинӣ ва кореягӣ ба роҳ монда шудааст.
Дар донишгоҳ барои татбиқи ҳадафҳои стратегии мамлакат, аз ҷумла баланд бардоштани сифати таълим, рушди илм, тарбияи ватандӯстонаи ҷавонон ва мутобиқ сохтани таҳсил ба меъёрҳои байналмилалӣ тамоми иқтидор ва имконияти мавҷуда самаранок истифода бурда мешавад.
АКС: Донишгоҳи давлатии ҳуқуқ, бизнес ва сиёсати Тоҷикистон
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
Форуми ректорони муассисаҳои таҳсилоти олии Тоҷикистон ва Узбекистон баргузор шуд
