Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
ДУШАНБЕ, 30.08.2025 /АМИТ «Ховар»/. Дастаи Донишгоҳи техникии Тоҷикистон ба номи академик Муҳаммад Осимӣ дар Чемпионати ҷаҳонии касбӣ аз рӯйи номинатсияҳои «Корҳои геологӣ ва геодезия» ва «Энергетика» соҳиби ҷойҳои якум гардида, ба даври навбатӣ роҳхат гирифт.
Тавре АМИТ «Ховар» бо истинод ба Донишгоҳи техникӣ хабар медиҳад, маросими ҷоизасупорӣ 28 август баргузор гардид.
Ҳамзамон дастаи Донишгоҳи аграрии Тоҷикистон ба номи Шириншоҳ Шоҳтемур ва Филиали Донишгоҳи давлатии Москва ба номи М. В. Ломоносов дар шаҳри Душанбе аз рӯйи номинатсияи «Корҳои геологӣ ва геодезия» ва дастаи Филиали «Донишгоҳи миллии тадқиқотӣ»-и Донишкадаи энергетикии Москва дар шаҳри Душанбе аз рӯйи номинатсияи «Энергетика» сазовори ҷойҳои дуюм шуда, бо медал ва Диплом қадрдонӣ гардиданд.
Ҳамзамон аз ҷониби кумитаи тадорукоти Чемпионати ҷаҳонии касбӣ ба Донишгоҳи техникии Тоҷикистон ҷоизаи беҳтарин муассисаи ташкилотчӣ барои ташкили мусобиқа тақдим карда шуд.
Ёдовар мешавем, ки 27-28 август дар Донишгоҳи техникии Тоҷикистон ба номи академик М.С. Осимӣ Чемпионати ҷаҳонии касбӣ аз рӯйи номинатсияҳои «Корҳои геологӣ ва геодезия» ва «Энергетика» баргузор гардид. Дар он 20 дастаи иштирокчӣ аз ҳисоби донишҷӯёни муассисаҳои таълимии Тоҷикистон иштирок намуд. Беҳтарин дастаи иштирокчӣ муайян карда шуд, ки дар даври навбатӣ дар сатҳи байналмилалӣ дар Чин имкони дастаи худро муаррифӣ менамояд.
Чемпионат аз соли 2008 инҷониб бо ташаббуси Вазорати маорифи Ҷумҳурии Мардумии Чин ташкил гардида, бузургтарин минбар барои намоиши маҳорати донишҷӯёну устодон, мубодилаи таҷриба ва таҳкими ҳамкории байналмилалӣ дар соҳаи таҳсилоти касбӣ ба ҳисоб меравад. Имсол чемпионат бо назардошти самтҳои рушду эҳтиёҷоти соҳаҳои калидии саноатӣ ва иҷтимоӣ дар 43 номинатсия доир гашта, се марҳила- интихобӣ, даврҳои тахассусӣ ва даври ниҳоиро, ки дар шаҳри Тянҷини Чин баргузор мешавад, дар бар мегирад. Чемпионати ҷаҳонии касбӣ имконият фароҳам овард, то донишҷӯён дар ин самтҳо маҳорат нишон дода, омӯзиши усулҳои навро дар самт тақвият диҳанд.
Дар маросими ҷоизасупорӣ аҳамияти мусобиқаҳои ҷаҳонии касбӣ дар рушд ва такмили малакаҳои ҷавонон таъкид гардид.
Мақсади асосии мусобиқа таҳкими робитаи донишгоҳҳо бо истеҳсолот, тайёр намудани мутахассисони баландихтисос, баланд бардоштани сифати таълим ва мусоидат ба ҳамкории байналмилалӣ мебошад.
АКС: Донишгоҳи техникии Тоҷикистон ба номи академик Муҳаммад Осимӣ
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
Форуми ректорони муассисаҳои таҳсилоти олии Тоҷикистон ва Узбекистон баргузор шуд
