ФУТБОЛ. «Истиқлол»-и Душанбе бо «Ал-Наср»-и Криштиану Роналду дар як гурӯҳ қарор гирифт

ДУШАНБЕ, 15.08.2025 /АМИТ «Ховар»/. Имрӯз қуръакашии Лигаи чемпионҳои элитаи Осиё ва Лигаи чемпионҳои 2-и Осиё баргузор гардид. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.

Баъди ҷамъбасти қуръакашии марҳилаи гурӯҳии Лигаи қаҳрамонҳои дуюми Осиё-2025/26 чемпиони- дастаи футболи «Истиқлол»-и шаҳри Душанбе бо дастаи футболи «Ал-Наср»-и Арабистони Саудӣ, ки дар ҳайати он бозингари шинохтаи сайёра ва дастаи мунтахаби Португалия Криштиану Роналду бозӣ мекунад, дар як гурӯҳ қарор гирифт.

Хотиррасон мешавем, ки рақибони дастаи футболи «Истиқлол»-и шаҳри Душанбе дар гурӯҳи «D» ба ҷуз аз дастаи футболи «Ал-Наср»-и Арабистони Саудӣ дастаҳои футболи «Ал-Завраа»-и Ироқ ва «Гоа»-и Ҳиндустон мебошанд.

Оғози бозиҳои даври аввали марҳилаи гурӯҳӣ 16 сентябр дар назар аст.

АКС: Федератсияи футболи Тоҷикистон