ҲИСОББАРОБАРКУНИИ ҒАЙРИНАҚДӢ. Дар Вазорати нақлиёт амалиёти молиявӣ тавассути низоми TFMIS SGB.net гузаронида мешавад
ДУШАНБЕ, 18.08.2025 /АМИТ «Ховар»/. Дар шашмоҳаи якуми соли 2025 ҳиссаи пардохтҳои ғайринақдӣ дар амалиёти молиявии Вазорати нақлиёти Ҷумҳурии Тоҷикистон нисбат ба соли 2024 афзоиш ёфта, ба зиёда аз 82 фоиз расид, хабар медиҳад АМИТ «Ховар» бо истинод ба Вазорати нақлиёти Ҷумҳурии Тоҷикистон.
Ҳоло беш аз 4 ҳазор корманди Вазорати нақлиёт ва муассисаҳои тобеи он аз кортҳои пластикии бонкӣ, инчунин 23 рамзи QR, хизматрасонии 137 POS-терминали бонкҳои ватанӣ, инчунин замимаҳои мобилии ташкилоти молиявии мамлакат истифода мебаранд.
Бо мақсади иҷрои Фармони Президенти Ҷумҳурии Тоҷикистон «Дар бораи вусъат додани ҳисоббаробаркунии ғайринақдӣ» дар айни замон ҳисоб ва дастрас намудани музди меҳнати кормандони вазорат, аз ҷумла пардохти рухсатӣ, сафархарҷӣ, кумакпулӣ, варақаи маъюбӣ ва ғайра, пардохти ҳама гуна андозҳо ва хизматрасониҳои коммуналӣ (барқ, об, партов), алоқа ва интернет, инчунин хариди молу маводи конселярӣ ва кишоварзӣ, сӯзишворӣ, қисмҳои эҳтиётӣ, чархҳои резинӣ, либос ва пойафзоли махсуси корӣ, муми моеъ ва аломатҳои роҳ пурра ба тариқи интернет бо истифода аз низоми ҳисоббаробаркунии электронӣ оид ба назорати молиявии давлатӣ дар Тоҷикистон TFMIS SGB.net (Tajikistan Financial Management Information System) амалӣ карда мешавад.
Дар терминалҳо, нуқтаҳои тарозуи мошинҳои боркаш ва корхонаҳои нақлиёти ҷамъиятӣ ҳангоми пардохти хизматрасониҳо тавассути интернет дар баробари кортҳои бонкӣ ҳамёнҳои электронӣ низ истифода мешаванд.
Ёдовар мешавем, ки тибқи Фармони Президенти Ҷумҳурии Тоҷикистон муҳтарам Эмомалӣ Раҳмон «Дар бораи вусъат додани ҳисоббаробаркунии ғайринақдӣ» аз 22 июли соли 2023 ба ҳамаи вазорату идораҳо, ташкилоти давлатӣ ва молиявӣ супориш дода шудааст, ки аз 1 августи соли 2023 пардохти андозҳо, боҷҳои давлатӣ барои додани рухсатномаю иҷозатномаҳо, дигар пардохтҳои ҳатмӣ ба буҷет, ҷаримаҳо, маблағҳои суғуртаи ҳатмии давлатӣ, хизматрасониҳои тиббӣ, коммуналӣ ва ғайра, инчунин қабули маблағҳои пулӣ аз ҷониби вазорату идораҳо ва ташкилоти давлатиро дар шакли ғайринақдӣ амалӣ намоянд.
АКС: Вазорати нақлиёти Ҷумҳурии Тоҷикистон
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
Дурнамои рушди ҳамкории гумрукӣ байни Тоҷикистон ва Корея баррасӣ гардид
