Мотосиклронҳои «Ралли Осиёи Марказӣ-2025»-ро дар Тоҷикистон истиқбол гирифтанд
ДУШАНБЕ, 20.08.2025. /АМИТ «Ховар»/. Кормандони Сафорати Покистон дар Тоҷикистон корвони мотосиклронҳои покистониро дар чаҳорчӯби «Мотосиклсаворони Ралли Осиёи Марказӣ 2025» дар Душанбе гарм истиқбол намуданд. Ин саёҳати таърихӣ руҳияи дӯстӣ ва равобити афзояндаи одамонро байни Покистон ва Тоҷикистон нишон медиҳад. Дар ин хусус ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд.
15 август баъди ворид шудан ба Тоҷикистон дар гузаргоҳи сарҳадии Фотеҳобод мотосиклронҳо бо меҳмоннавозии анъанавии тоҷикона истиқбол гирифта шуданд.
Мотосиклронҳо қабл аз ворид шудан ба шаҳри Душанбе 17 август бо осори фарҳангӣ ва таърихии Хуҷанд шинос шуда, дар майдони Дӯстӣ- дар назди муҷассамаи Шоҳ Исмоили Сомонӣ чун нишони равобити мустаҳкаму бародаронаи ду давлат рамзи «Дарахти дӯстӣ»-ро шинониданд.
Сафири Покистон дар Тоҷикистон Муҳаммад Саид Сарвар мотосиклронҳоро дар «Хонаи Покистон» истиқбол гирифт. Сафир руҳияи сайёҳии онҳоро ситоиш карда, нақши муҳими ин навъи гардишро дар рушди робитаҳои минтақавӣ, алоқа байни мардум ва пешбурди сайёҳии минтақавӣ таъкид намуд.
Аҳли корвон дар саросари Тоҷикистон саёҳат карда, бо мавзеъҳои фарҳангию таърихӣ шинос мешаванд. Ҳамзамон зебоиҳои табиати дилангези минтақаҳои Хатлону Дарвозро тамошо мекунанд.
Ёдовар мешавем, ки корвони 16 мотосиклсавони покистонӣ, ки бо номи «Корвони дӯстӣ» маъруф аст, бо гусели расмӣ сафарро 1 августи соли 2025 аз Исломобод оғоз намуд. Мотосиклронҳо дар доираи сафари минтақавӣ, ки Афғонистон, Тоҷикистон ва Узбекистонро дар бар мегирад, қарор доранд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Рушди низоми бонкии Тоҷикистон бо таҳлилгарони ширкати байналмилалии рейтинги «Moody’s Investor Service» баррасӣ гардид
Нишасти муштарак байни роҳбарони ширкатҳои сайёҳии Тоҷикистон ва Эрон баргузор шуд
Беш аз 94 фоизи ҳамлу нақли бор дар Тоҷикистон тавассути нақлиёти автомобилӣ таъмин карда мешавад
«S&P Global Ratings рейтинги соҳибихтиёрии қарзии Тоҷикистонро бо дурнамои «устувор» тасдиқ намуд
Омодагӣ ба Форуми байналмилалии «Dushanbe Invest 2025» бо сафирони Чин, Туркия ва Арабистони Саудӣ баррасӣ гардид
Татбиқи барномаҳои миллӣ ва Ҳадафҳои рушди устувор баррасӣ карда шуд
Кишти чигит бо усули обёрии зери плёнка дар Тоҷикистон беш аз 21 ҳазор гектарро ташкил медиҳад
Агентии инноватсия ва технологияҳои рақамӣ рамзи расмии «Солҳои рушди иқтисоди рақамӣ ва инноватсия»-ро муаррифӣ менамояд
Дар Душанбе рушди ҳамкории тиҷоратию иқтисодӣ байни Тоҷикистону Чин баррасӣ гардид
Дар Алмато ҷаласаи Комиссияи байнидавлатии ҳамоҳангсозии хоҷагии оби Осиёи Марказӣ баргузор шуд
Дар Хуҷанд ҷаласа оид ба ҳолати истифодаи ғайриқонунии неруи барқ доир гардид
Ҷаласаи чоруми Гурӯҳи кории ҷумҳуриявӣ дар самти рушди сайёҳӣ доир шуд
