Намояндаи Тоҷикистон бо ҷоизаи байналмилалии «BRICS AND SCO» сарфароз гардонида шуд
ДУШАНБЕ, 23.08.2025 /АМИТ «Ховар»/. Лаборанти калони шуъбаи физикаи кометаҳо ва астероидҳои Институти астрофизикаи Академияи миллии илмҳои Тоҷикистон Парвизи Орзуқул барандаи Ҷоизаи роҳбарони ҷавони БРИКС ва Созмони ҳамкории Шанхай дар номинатсияи «Таҳқиқот ва инноватсияи сол» гардид.
Тавре АМИТ «Ховар» бо истинод ба Академияи миллии илмҳои Тоҷикистон хабар медиҳад, 17 август дар шаҳри Қазони Ҷумҳурии Тотористони Федератсияи Русия Озмуни байналмилалии роҳбарони ҷавони БРИКС ва Созмони ҳамкории Шанхай баргузор гардид, ки то 19 август идома ёфт.
Ин озмуни байналмилалӣ ба кашфи истеъдодҳои ҷавон ва эътирофи саҳми мутахассисони ҷавон дар рушди соҳаҳои иҷтимоӣ нигаронида шудааст. Озмун бо ташаббуси Академияи дипломатияи ҷавонон бо дастгирии Вазорати кор бо ҷавонони Ҷумҳурии Тотористон ташкил карда шуд. Он ҳамасола роҳбарони ҷавонро аз соҳаҳои гуногуни илм, маориф, фарҳанг ва рушди иҷтимоӣ муттаҳид месозад.
Дар марҳилаи ниҳоии соли 2025 намояндагони Тоҷикистон, Ҳиндустон, Эрон, Қазоқистон, Чин, Қирғизистон, Покистон, Узбекистон ва Русия иштирок намуданд.
Натиҷаҳои озмун дар доираи Форуми сеюми байналмилалии «РОСТКИ: Русия ва Чин» ҷамъбаст гардида, ғолибон бо сертификат ва туҳфаҳои хотиравӣ қадрдонӣ карда шуданд.
Ҷоиза ба лоиҳаҳо ва таҳқиқоте тақдим карда шуд, ки ба густариши илми астрономия ва паҳн намудани донишҳои илмӣ равона шудаанд.
Соли 2025 барои як ҷойи озмун тақрибан 45 довталаб мубориза бурда, ҳамагӣ беш аз 450 дархост пешниҳод гардид. Ба ҷоиза на танҳо кишварҳои аъзои БРИКС ва Созмони ҳамкории Шанхай, балки дигар давлатҳо низ таваҷҷуҳ зоҳир намуданд.
АКС: Академияи миллии илмҳои Тоҷикистон
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
ШЕЪРИ РӮДАКӢ — ПАЁМИ ДОНИШУ ХИРАД ВА НАКӮКОРИЮ ҶАВОНМАРДӢ. Эҳдо ба Рӯзи Рӯдакӣ
«ҲУҶҶАТИ МИЛЛӢ БА НОМИ РӮДАКӢ БОЯД ГИРИФТ…». Ва ё ҳамзабону ҳаммиллати Устод Рӯдакӣ будан шарафи бузург аст
НАҚШ ВА МАҚОМИ УСТОД РӮДАКӢ. Андешаҳо дар ин мавзуъ
ИМРӮЗ — РӮЗИ РӮДАКӢ. Ба ин муносибат конференсияи байналмилалии илмӣ-назариявӣ доир мешавад
Моҳи октябр Намоишгоҳи чордаҳуми байналмилалии «Китоби Душанбе» баргузор мегардад
Дар Агентии инноватсия ва технологияҳои рақамӣ оид ба тарғиби либоси миллӣ ҳамоиши фарҳангӣ доир шуд
Муассисаи давлатии «Тоҷикфилм» доир ба сарнавишти Борбади Марвазӣ филми ҳунарӣ ба навор мегирад
21 СЕНТЯБР — РӮЗИ БАЙНАЛМИЛАЛИИ СУЛҲ. Бо ташаббуси Тоҷикистон «Даҳсолаи таҳкими сулҳ ба хотири наслҳои оянда» қабул гардид
