НИШАСТИ МАТБУОТӢ. Филиали Донишгоҳи давлатии Москва дар Душанбе бо 40 муассисаи хориҷӣ ҳамкории илмӣ дорад
ДУШАНБЕ, 07.08.2025. /АМИТ «Ховар»/. Филиали Донишгоҳи давлатии Москва ба номи М.В.Ломоносов дар шаҳри Душанбе бо зиёда аз 40 муассисаи таълимию илмии хориҷӣ созишнома ва қарордод ба имзо расонидааст. Дар шашмоҳаи якуми соли 2025 бо Донишкадаи давлатии омӯзгории Тирмиз созишномаи ҳамкорӣ ба имзо расид. Дар доираи ин созишномаҳо барномаҳои мубодилаи кормандону омӯзгорон ва таҳқиқоти илмӣ — амалии муштарак гузаронида мешавад. Дар ин хусус имрӯз зимни нишасти матбуотӣ Директори иҷроияи Филиали Донишгоҳи давлатии Москва ба номи М.В.Ломоносов дар шаҳри Душанбе Рустам Ғанизода ба хабарнигорон иттилоъ дод.
Иброз гардид, ки омода намудани мутахассисон дар Филиали Донишгоҳи давлатии Москва ба номи М.В.Ломоносов дар шаҳри Душанбе мувофиқи талаботи Стандарти федералии давлатии таҳсилоти олии насли сеюм амалӣ мегардад. Дар филиал мутахассисон аз рӯйи шаш равия омода гардида, барномаҳои таълимии он аз акредитатсияи давлатӣ гузаштаанд. Дар соли таҳсили 2024-2025 теъдоди донишҷӯён 424 нафарро ташкил дода, имсол 105 донишҷӯ донишгоҳро хатм намуд.
Дар филиал 27 нафар донишҷӯёни хориҷӣ таҳсил менамоянд, ки аз Федератсияи Русия, Узбекистон, Қазоқистон ва Ҷумҳурии Мардумии Чин мебошанд.
Иттилоъ дода шуд, ки дар давраи баргузории Имтиҳонҳои марказонидаи дохилшавӣ-2025 дар Маркази миллии тестии назди Президенти Ҷумҳурии Тоҷикистон 1504 довталаби таҳсил дар ин донишгоҳ ба қайд гирифта шуд.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар Донишгоҳи давлатии Кӯлоб барои донишҷӯёни варзишгар шароити мусоид фароҳам оварда шудааст
Даври ниҳоии Озмуни ҷумҳуриявии «Илм-фурӯғи маърифат» оғоз шуд
Дар Донишгоҳи давлатии Хоруғ Маркази таълимии «Иқтисоди сабз» таъсис дода шуд
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
1 ноябр хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Ҷаласаи ситоди даври чоруми Озмуни ҷумҳуриявии «Илм – фурӯғи маърифат» баргузор гардид
Дар Донишгоҳи технологии Тоҷикистон раванди озмоишии модулҳои таълимии лоиҳаи Донишгоҳи кушодаи инноватсияҳо дар озуқаворӣ гузаронида шуд
Дар Донишгоҳи давлатии Кӯлоб дар мавзуи масъалаҳои мубрами забоншиносӣ ва тарҷумашиносӣ конференсияи байналмилалӣ баргузор шуд
Дар Академияи идоракунии давлатӣ барномаҳои стипендиявии Лаҳистон муаррифӣ гардиданд
Дар Донишгоҳи технологии Тоҷикистон татбиқи лоиҳаҳоии CirculEC ва OFINU баррасӣ шуд
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Байни Донишгоҳи давлатии омӯзгории Тоҷикистон ва Донишгоҳи миллии илмҳои компютерӣ ва рушдёбандаи Покистон созишномаи ҳамкорӣ ба имзо расид
