Омӯзгорони тоҷик дар Корея соҳиби сертификати Барномаи «KLIC LEAD Global Workshop 2025» гардиданд
ДУШАНБЕ, 14.08.2025 /АМИТ «Ховар»/. Ба 30 омӯзгори Тоҷикистон, ки дар даври омӯзишии Барномаи «KLIC LEAD Global Workshop 2025» дар Корея иштирок намуданд, сертификат супорида шуд.
Тавре АМИТ «Ховар» бо истинод ба Вазорати маориф ва илми Ҷумҳурии Тоҷикистон хабар медиҳад, 13 август дар шаҳри Сеҷонги Ҷумҳурии Корея даври омӯзишии ин барнома ҷамъбаст гардида, аз ҷониби роҳбарияти Департаменти маорифи шаҳри Сеҷонг ба иштирокчиён сертификатҳои хатми барнома супорида шуд.
Барнома машғулияти амалӣ оид ба зеҳни сунъӣ (AI), барномасозӣ, омӯзиши асосҳои рақамии таълим, истифодаи EduTech, тарҳрезии дарс, шиносоӣ бо муассисаҳои таълимии инноватсионӣ, ширкатҳои пешрафтаи технология ва фарҳанги Кореяро дар бар гирифт.
Даври омӯзишии байналмилалии «KLIC LEAD Global Workshop 2025» 4 август оғоз шуда, 13 август ба анҷом расид. Он дар доираи татбиқи Ёддошти тафоҳум байни Вазорати маориф ва илми Ҷумҳурии Тоҷикистон ва Департаменти маорифи шаҳри Сеҷонг гузаронида шуд.
АКС: Вазорати маориф ва илми Ҷумҳурии Тоҷикистон
Байни Донишгоҳи технологии Тоҷикистон ва ширкати «DI Lab Inc» шартномаи ҳамкорӣ ба имзо расид
Форуми байналмилалӣ оид ба ҳамкории Тоҷикистон ва СММ ба хотири рушди устувор баргузор шуд
Суҳайло Ҷавадова: «Баъди хатми Донишгоҳи Фридрих Шиллер дониш ва таҷрибаамро дар Тоҷикистон самаранок амалӣ менамоям».
ЗИМИСТОНГУЗАРОНӢ. Оё муассисаҳои маорифи шаҳри Душанбе ба давраи тирамоҳу зимистон омодаанд?
Ҳифзи истиқлолу озодии давлат ва миллат аз рушди илму маориф вобастагӣ дорад
Бо иштироки муовини Сарвазири Тоҷикистон дар Варзоб муассисаҳои таълимӣ ба истифода дода шуданд
Даври ниҳоии Озмуни ҷумҳуриявии «Омӯзгори сол-2025» оғоз гардид
Дар деҳаи Обидараи Даҳанаи шаҳри Ваҳдат бинои нави муассисаи таълимӣ ба истифода дода шуд
Дар ноҳияи Темурмалик мактаби нав ба истифода дода шуд
Дар Душанбе таҳти унвони «Нақши «Шоҳнома» дар ташаккули ҷаҳонбинии ҷавонони Тоҷикистон» хониши сиёсӣ доир шуд
Дар Душанбе даври ҷумҳуриявии Озмуни «Мураббии соли Тоҷикистон — 2025» оғоз гардид
Байни Донишгоҳи технологии Тоҷикистон ва Маркази таълимии касбӣ-техникии ноҳияи Чинду шартномаи ҳамкорӣ ба имзо расид
