«ПЕШВОИ МИЛЛАТ ҲОМИИ ВАРЗИШ ВА ПУШТИБОНИ ҶАВОНОН». Дар Душанбе таҳти ин унвон ба ифтихори Рӯзи варзишгарон чорабинӣ баргузор шуд

ДУШАНБЕ, 11.08.2025 /АМИТ «Ховар»/. Имрӯз дар шаҳри Душанбе ба муносибати Рӯзи варзишгарон таҳти унвони «Пешвои миллат ҳомии варзиш ва пуштибони ҷавонон» чорабинӣ баргузор гардид.

Дар чорабинӣ муовини якуми Раиси Ҳизби Халқии Демократии Тоҷикистон Маликшо Неъматзода ва Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода иштирок ва суханронӣ намуданд.

Зимни чорабинӣ як қатор варзишгарони собиқадор ва фаъол, ки дар мусобиқаҳои сатҳи ҷумҳуриявӣ ва байналмилалӣ натиҷаҳои назаррас нишон додаанд, бо медал ва сипосномаҳои Ҳизби Халқии Демократии Тоҷикистон ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон қадрдонӣ гардиданд.

Чорабинӣ бо барномаи фарҳангӣ ва намоиши ҳунарҳои варзишӣ анҷом ёфт.

Меҳрони ҚУРБОН,
Шореҳи варзиши АМИТ «Ховар»

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон