Бо иштироки муовини Сарвазири Тоҷикистон дар Варзоб муассисаҳои таълимӣ ба истифода дода шуданд
ДУШАНБЕ, 23.09.2025. /АМИТ «Ховар»/. Бо мақсади татбиқи амалии сиёсати маорифпарваронаи давлат ва Ҳукумати Ҷумҳурии Тоҷикистон, бахусус Президенти Ҷумҳурии Тоҷикистон муҳтарам Эмомалӣ Раҳмон дар самти рушди инфрасохтори соҳаи маориф дар деҳаҳои Қулписта ва Чинори Ҷамоати деҳоти ба номи Садриддин Айнии ноҳияи Варзоб муассисаҳои таҳсилоти миёнаи умумии №70 ва №30 ба истифода дода шуданд. Дар ин хусус АМИТ «Ховар» бо истинод ба маркази матбуоти Вазорати маориф ва илми Ҷумҳурии Тоҷикистон хабар медиҳад.
Муовини Сарвазири Ҷумҳурии Тоҷикистон Дилрабо Мансурӣ иброз намуд, ки «ифтитоҳи чунин муассисаҳои таълимии замонавӣ яке аз самараҳои сиёсати маорифпарваронаи Пешвои миллат муҳтарам Эмомалӣ Раҳмон ба ҳисоб меравад. Ҳадафи асосии роҳбарияти давлату Ҳукумати ҷумҳурӣ фароҳам овардани шароити арзандаи таълиму тарбияи насли наврас ва ҷавонон мебошад. Ин муассисаҳо бо тамоми лавозимоти таълимии муосир, аз ҷумла синфхонаҳои фаннӣ, лабораторияҳо, китобхона, утоқҳои корӣ ва майдончаҳои варзишӣ муҷаҳҳаз гардонида шудаанд, ки барои таълиму тарбия муҳити мусоидро таъмин менамоянд».
Муассисаи таҳсилоти миёнаи умумии №70, ки дар деҳаи Қулпистаи Ҷамоати деҳоти ба номи Садриддин Айнӣ ҷойгир аст, аз лиҳози инфрасохтор ба талаботи муосири соҳаи маориф ҷавобгӯ буда, дорои 11 синфхонаи таълимӣ, кабинетҳои фаннӣ, утоқҳои кории маъмурият, толори маҷлис, утоқи тиббӣ, ошхона, китобхона ва дигар иншооти ёрирасон мебошад. Ин муассиса барои 264 хонанда дар як баст пешбинӣ гардида, тамоми синфхонаҳо бо мизу курсӣ, компютер ва дигар таҷҳизоти таълимии зарурӣ таъмин карда шудаанд.
Муассисаи таҳсилоти миёнаи умумии №30, ки дар деҳаи Чинори ҳамин ҷамоат сохта шудааст, дорои 7 синфхона буда, барои фарогирии 84 хонанда дар як баст пешбинӣ шудааст. Ин муассиса низ бо инфрасохтори стандартии таълимӣ ва дигар шароити зарурӣ муҷаҳҳаз гардонида шудааст.
Дар назди муассиса майдончаи варзишӣ сохта шудааст, ки барои тарбияи ҷисмонии хонандагон имконияти васеъ фароҳам меорад.
АКС: Маркази матбуоти Вазорати маориф ва илми Ҷумҳурии Тоҷикистон
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
