Дар Агентии назорати давлатии энергетикии Тоҷикистон ҷашни Истиқлоли давлатӣ бошукуҳ таҷлил гардид
ДУШАНБЕ, 06.09.2025 /АМИТ «Ховар»/. Иқтидори энергетикии ҷумҳурӣ танҳо дар давраи соҳибистиқлолӣ беш аз 2000 МВт афзоиш ёфта, ин дастоварди беназир барои таъмини рушди иқтисодиву иҷтимоии мамлакат заминаи мустаҳкам фароҳам овард. Ин нукта зимни ҷамъомади тантанавӣ дар Агентии назорати давлатии энергетикии назди Президенти Ҷумҳурии Тоҷикистон ба муносибати 34-солагии Истиқлоли давлатӣ баён гардид. Дар ин хусус АМИТ «Ховар» бо истинод ба Агентии назорати давлатии энергетикии назди Президенти Ҷумҳурии Тоҷикистон иттилоъ медиҳад.
Дар ҷамъомади тантанавӣ директори Агентии назорати давлатии энергетикии назди Президенти Ҷумҳурии Тоҷикистон Сорбон Холмуҳамадзода доир ба аҳамияти ин санаи тақдирсоз, хизматҳои мондагори Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ҳифз ва тақкими пояҳои Истиқлоли давлатӣ ибрози назар намуд.
Таъкид гардид, ки Истиқлоли давлатӣ рамзи шарафу озодӣ, ваҳдату ҳамбастагӣ ва худшиносию худогоҳии мардуми тоҷик мебошад. Истиқлол барои мардуми Тоҷикистон бузургтарин дастовард буда, бо талошу ҷонфидоиҳои Президенти Ҷумҳурии Тоҷикистон муҳтарам Эмомалӣ Раҳмон дар даврони бисёр ҳассосу сарнавиштсоз пояҳои Истиқлоли давлатӣ ҳифз гардида, сулҳу суботи комил, ваҳдати миллӣ ва рушди устувори мамлакат таъмин гардид.
Дар даврони соҳибистиқлолӣ дар баробари дигар соҳаҳои муҳими хоҷагии халқи мамлакат соҳаи энергетика низ ба комёбиҳои назаррас ноил гардид. Ҳозирин даъват шуданд, ки ҳамчун фарзандони ватандӯст дар рушду шукуфоии Тоҷикистон саҳми муносиб гузошта, пояҳои истиқлолу озодиро тақвият бахшанд ва арзишҳои миллиро гиромӣ доранд.
Дар ҷамъомад муовини якуми Раиси Ҳизби Халқии Демократии Тоҷикистон Маликшо Неъматзода вобаста ба муҳтаво, арзишҳои сарнавиштсози Истиқлоли давлатӣ ва хизматҳои мондагори Президенти Ҷумҳурии Тоҷикистон муҳтарам Эмомалӣ Раҳмон сухан гуфт.
Дар анҷоми ҳамоиш як зумра кормандони Агентии назорати давлатии энергетикӣ барои меҳнати софдилона, содиқона ва саҳми арзанда дар рушди соҳаи энергетика, иҷрои босамари вазифаҳои хизматӣ дар самти назорати давлатии энергетикӣ ва бахшида ба таҷлили 34-солагии Истиқлоли давлатии Ҷумҳурии Тоҷикистон бо ифтихорномаҳои Агентӣ ва сипосномаҳои Ҳизби Халқии Демократии Тоҷикистон қадрдонӣ карда шуданд.
АКС: Агентии назорати давлатии энергетикии назди Президенти Ҷумҳурии Тоҷикистон
Роҳи Ҳисор-шаҳраки Айнӣ пурра мумфарш гардида, мавриди истифода қарор гирифт
Пешвои миллат Эмомалӣ Раҳмон дар шаҳри Ваҳдат бо нашъунамои дарахтони хоҷагии ниҳолпарварӣ, намоиши маҳсулоти кишоварзӣ ва рафти кишти такрорӣ шинос шуданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат корхонаи «Роял Бебӣ Тоҷикистон»-ро ба таври фосилавӣ ифтитоҳ намуданд
Сарвари давлат Эмомалӣ Раҳмон дар шаҳри Ваҳдат ба фаъолияти ҶДММ «Зиннат Гач» оғоз бахшиданд
Пешвои миллат Эмомалӣ Раҳмон дар шаҳри Ваҳдат корхонаи истеҳсоли хишти Ҷамъияти дорои масъулияти маҳдуди «Талант»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат бинои шуъбаи Кумитаи давлатии амнияти миллиро ифтитоҳ намуданд
Сарвари давлат Эмомалӣ Раҳмон дар шаҳри Ваҳдат Муассисаи таҳсилоти миёнаи умумии №152-ро ифтитоҳ намуданд
Пешвои миллат Эмомалӣ Раҳмон дар шаҳри Ваҳдат бинои нави Беморхонаи кӯдаконаи зидди силро ба истифода доданд
Дар Амстердам 34-солагии Истиқлоли давлатии Тоҷикистонро таҷлил намуданд
35-СОЛАГИИ ИСТИҚЛОЛИ ДАВЛАТӢ. Дар шаҳру деҳоти Исфара корҳои ободонию созандагӣ вусъат меёбанд
Ҳифзи истиқлолу озодии давлат ва миллат аз рушди илму маориф вобастагӣ дорад
Дар Тоҷикистон ба соҳаи сохтмон зиёда аз 16 миллиард сомонӣ сармоягузорӣ равона карда шудааст
