Дар Кумитаи меъморӣ ва сохтмон ба муносибати Истиқлоли давлатӣ ҳамоиши идона доир гардид
ДУШАНБЕ, 04.09.2025. /АМИТ «Ховар»/. Дар Кумитаи меъморӣ ва сохтмони назди Ҳукумати Ҷумҳурии Тоҷикистон бахшида ба ҷашни муқаддаси миллӣ- 34-солагии Истиқлолияти давлатии Ҷумҳурии Тоҷикистон ҳамоиши тантанавӣ доир гардид. Дар ин хусус ба АМИТ «Ховар» аз Кумитаи меъморӣ ва сохтмон хабар доданд.
Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Низом Мирзозода иброз намуд, ки имсол 34 сол пур мешавад, ки мардуми сарбаланди тоҷик дар давлати соҳибистиқлол умр ба сар мебарад.
«Бо шарофати ин неъмати бебаҳо Тоҷикистон дар роҳи давлатдорӣ, давлатсозӣ ва ободии Ватан ба дастовардҳои назаррас ноил гардид. Дар таҳкими Истиқлолияти давлатии Ҷумҳурии Тоҷикистон нақши Президенти Ҷумҳурии Тоҷикистон муҳтарам Эмомалӣ Раҳмон бузург ва сарнавиштсоз мебошад. Бо шарофати ин сулҳу субот ва сиёсати хирадмандонаи Пешвои миллат тамоми соҳаҳои мамлакат, бахусус бахши сохтмон дар пешравӣ қарор доранд»,-баён дошт раиси Кумитаи меъморӣ.
Дар ҳамоиш муовини якуми Раиси Ҳизби Халқии Демократии Тоҷикистон Маликшо Неъматзода вобаста ба бузургдошти рӯзи таърихӣ- ҷашни миллии Истиқлоли давлатии Ҷумҳурии Тоҷикистон ибрози андеша намуд.
Изҳор гардид, ки сол аз сол дар сатҳи олӣ таҷлил гардидани Рӯзи Истиқлоли давлатии Ҷумҳурии Тоҷикистон ва ба ҷашни умумихалқӣ табдил ёфтан шаҳодати он аст, ки мазмуну муҳтаво ва аҳамияти он чӣ қадар бузургу беҳамто гардидааст ва онро ҳар кадоми мо бояд қадршиносӣ намоем.
«Истиқлолият ихтиёрро ба дасти миллат дод, то дар раванди давлатсозӣ ва давлатдорӣ мустақилона амал намояд ва тамоми мушкилоту норасоиҳоро бартараф созад. Хушбахтона, зери сарварии Пешвои миллат ин масъалаҳо ҳалли худро ёфтанд ва миллати тоҷик ба орзуи ҳазоронсолаи хеш расид. Аз ин лиҳоз мебояд, ки ҳар фарди солимақл қоидаву қонунҳоро риоя намуда, ба касбу кори худ ва ба дараҷаи талаботи ҷаҳонӣ аз худ кардани тахассуси интихобкардааш машғул шавад, барои беҳбуди зиндагии аҳли оила, таълиму тарбияи фарзандон, мутахассисони бомаҳорату донишманд ва шахсияти хушодобу хушахлоқ, созандагони сазовори ҳаёти ояндаи ҷомеа шудан азму талош варзад»,-гуфт Маликшо Неъматзода.
Дар фарҷом як зумра кормандон барои саҳми арзанда, комёбӣ ва дастовардҳои назаррас бо медал ва Сипоснома қадрдонӣ гардиданд.
АКС: Кумитаи меъморӣ ва сохтмони назди Ҳукумати Ҷумҳурии Тоҷикистон
Сарвари давлат Эмомалӣ Раҳмон дар деҳаи Пушинги ноҳияи Данғара мавзеи нави саноатиро бо 3 коргоҳи истеҳсолӣ ифтитоҳ намуданд
Пешвои миллат Эмомалӣ Раҳмон дар деҳаи Пушинги ноҳияи Данғара 3 бинои дуошёнаи истиқоматӣ барои омӯзгоронро ба истифода доданд
Президенти Ҷумҳурии Тоҷикистон Эмомалӣ Раҳмон дар деҳаи Пушинги ноҳияи Данғара кӯдакистони №11 ва 8,5 километр роҳҳои дохилиро тариқи фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Данғара Муассисаи таҳсилоти миёнаи умумии рақами 88-ро мавриди истифода қарор доданд
Пешвои миллат Эмомалӣ Раҳмон дар ноҳияи Данғара бинои нави Қасри фарҳанги деҳаи Пушингро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои нави Ҷамоати деҳоти Пушингро ифтитоҳ намуданд
Сарвари давлат Эмомалӣ Раҳмон дар деҳоти Пушинги ноҳияи Данғара бинои Муассисаи томактабии «Гулистон»-ро ба истифода доданд
Пешвои миллат Эмомалӣ Раҳмон дар ноҳияи Данғара чор гармхонаи хоҷагии деҳқонии Восеъро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар ноҳияи Данғара корхонаи парандапарварии ҶДММ «Парандаи Пушинг»-ро ифтитоҳ намуданд
Сарвари давлат Эмомалӣ Раҳмон дар ноҳияи Данғара Муассисаи таҳсилоти миёнаи умумии №89-ро мавриди истифода қарор доданд
Пешвои миллат Эмомалӣ Раҳмон дар деҳаи Ғарғараи ноҳияи Данғара ба фаъолияти китобхона оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Данғара Муассисаи таҳсилоти томактабии хусусии «Ҷасур»-ро ифтитоҳ намуданд
