Дар нашриёти «Эр Граф» «Фарҳанги тафсирии истилоҳоти осорхонашиносӣ» аз чоп баромад
ДУШАНБЕ, 11.09.2025 /АМИТ «Ховар»/. Нашриёти «Эр Граф» дар остонаи ҷашни 34–солагии Истиқлоли давлатии Ҷумҳурии Тоҷикистон «Фарҳанги тафсирии истилоҳоти осорхонашиносӣ»-ро аз чоп баровард, иттилоъ медиҳад АМИТ «Ховар» бо истинод ба Осорхонаи миллии Тоҷикистон.
Муаллифи «Фарҳанги тафсирии истилоҳоти осорхонашиносӣ» муовини якуми директори Осорхонаи миллӣ Алишер Зарифӣ буда, он нахустин фарҳанги нисбатан мукаммал бо забони тоҷикӣ мебошад. Дар он калимаю ибораҳои соҳаи осорхонашиносӣ, ки зарурати шарҳу тафсири онҳо дар Тоҷикистон бештар эҳсос карда мешавад, тафсир ёфтаанд.
Фарҳанг барои доираи васеи фарҳангшиносон, осорхонашиносон, бостоншиносон, санъатшиносон, донишҷӯёни макотиби олӣ ва махсусан барои роҳбаладон ва ходимони илмии осорхонаҳои мамлакат пешбинӣ шуда, имконият медиҳад, ки хонанда ба мазмуни истилоҳоти осорхонавӣ ва тобишҳои маъноии онҳо хубтар сарфаҳм равад.
Яке аз самтҳои муҳимми фаъолияти Осорхонаи миллӣ ҳамчун муассисаи илмӣ-таҳқиқотӣ таҳия ва нашри китобу феҳристномаҳои илмии соҳавӣ мебошад. Фарҳанги тафсирии истилоҳоти осорхонашиносӣ бо қарори Шурои илмӣ ва ҳамоҳангсозии Осорхонаи миллии Тоҷикистон ва Кумитаи забон ва истилоҳоти назди Ҳукумати Ҷумҳурии Тоҷикистон ба нашр расидааст.
Марзия САИДЗОДА,
АМИТ «Ховар»
АКС: Осорхонаи миллии Тоҷикистон
Дар Осорхонаи миллии Тоҷикистон оид ба дастовардҳои Истиқлоли давлатӣ ҳамоиш доир гардид
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
