Дар Остона иҷлосияи XXVIII Шурои байниҳукуматӣ оид ба иктишоф, истифода ва ҳифзи қаъри замини ИДМ доир гардид
ДУШАНБЕ, 29.09.2025. /АМИТ «Ховар»/. 25 сентябр дар шаҳри Остонаи Ҷумҳурии Қазоқистон иҷлосияи навбатии Шурои байниҳукуматии Иттиҳоди Давлатҳои Мустақил оид ба иктишоф, истифода ва ҳифзи қаъри замин доир гардид. Дар ин чорабинии сатҳи баланди соҳаи геология ва кӯҳкорӣ ҳайати Ҷумҳурии Тоҷикистон таҳти роҳбарии Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода иштирок намуд.
Тавре аз маркази матбуоти Саридораи геология ба АМИТ «Ховар» хабар доданд, дар иҷлосия аъзои Шурои байниҳукуматии Иттиҳоди Давлатҳои Мустақил ва намояндагони ҷумҳуриҳои Тоҷикистон, Арманистон, Беларус, Қазоқистон, Қирғизистон, Узбекистон, Федератсияи Русия, инчунин Кумитаи иҷроияи Иттиҳоди Давлатҳои Мустақил иштирок намуданд.
Дар иҷлосия дар бораи фаъолияти Шурои байниҳукуматӣ дар давраи солҳои 2024-2025 гузориш пешниҳод шуда, ба дурнамои тавсеаи ҳамкории хадамоти геологии кишварҳои аъзои Иттиҳоди Давлатҳои Мустақил барои ҳалли мушкилоти нави геологӣ дар шароити дигаргунсозиҳо ва рушди босуръати соҳа, инчунин самаранок истифода бурдани пойгоҳи маъданҳои фоиданоки кишварҳои аъзои Иттиҳод таваҷҷуҳ зоҳир гардид.
Аъзои Шуро дар бораи натиҷаҳои кори хадамоти геологии кишварҳои аъзои Иттиҳоди Давлатҳои Мустақил дар ин давра-аз сентябри соли 2024 то сентябри соли 2025 оид ба иҷрои қарорҳои иҷлосияи XXVII Шурои байниҳукуматӣ, инчунин татбиқи Нақшаи дурнамои корҳои муштарак оид ба иктишоф, истифода ва ҳифзи сарватҳои зеризаминии кишварҳои аъзои Иттиҳоди Давлатҳои Мустақил барои солҳои 2023-2030 маълумоти муфассал пешниҳод намуданд.
Дар ҷаласа оид ба усулҳо ва равишҳои муосири иктишофи геологии минтақавӣ ва харитасозии геологӣ, татбиқ ва рушди технологияҳои муосири иттилоотӣ дар соҳаи иктишофи геологии сарватҳои зеризаминӣ, самтҳои ояндадори ҳамкории кишварҳои аъзои Иттиҳоди Давлатҳои Мустақил дар соҳаи иктишофи геологии ашёи хоми карбогидрид, ҷалби ҷавонон ба соҳа, ҳифзи мероси геологӣ ва истифодаи оқилонаи сарватҳои зеризаминӣ маърузаҳо шунида шуданд.
Аъзои Шурои байниҳукуматӣ масъалаҳои мубрами рушди соҳаро мавриди баррасӣ қарор доданд.
Бо қарори иҷлосия сардори шуъбаи байналмилалии Саридораи геологияи назди Ҳукумати Ҷумҳурии Тоҷикистон Олимшо Аслонзода бо нишони сарисинагии «Барои хизматҳо дар ҳамкории байналмилалии геологӣ» сарфароз гардонида шуд.
Тибқи Низомнома дар бораи Шурои байниҳукуматӣ вазифаи раиси Шурои байниҳукуматӣ ба раиси Кумитаи геологияи Вазорати саноат ва сохтмони Ҷумҳурии Қазоқистон Ерлан Акбаров супорида шуд.
Иҷлосияи навбатии XXIX Шурои байниҳукуматии Иттиҳоди Давлатҳои Мустақил оид ба иктишоф, истифода ва ҳифзи қаъри замин соли 2026 дар Ҷумҳурии Беларус доир мегардад.
АКС: Саридораи геологияи назди Ҳукумати Ҷумҳурии Тоҷикистон
СОҲАИ ПАХТАКОРӢ МУНОСИБАТИ ҶИДДӢ ТАЛАБ МЕКУНАД. Он ба амнияти озуқаворӣ, рушди саноати сабук ва афзоиши содирот вобаста аст
Соли 2025 дар Тоҷикистон 236 километр роҳҳои мошингард ва иншооти роҳу нақлиёт бунёд гардид
Дар Вилояти Мухтори Кӯҳистони Бадахшон 96 тонна асал истеҳсол карда шуд
Дар 7 соли охир дар Тоҷикистон беш аз 2600 корхонаи саноатӣ ба фаъолият оғоз намудааст
Таъсиси Шурои миллии об дар Тоҷикистон қадами муҳим дар самти идоракунии устувори захираҳои об аст
Кишоварзони Тоҷикистон соли 2026 дар беш аз 274 ҳазор гектар зироати ғалладонагӣ кишт менамоянд
Дар ҶСК «Барқи Тоҷик» самти энергетикии Паёми Президенти Тоҷикистон ба Маҷлиси Олӣ баррасӣ гардид
Сарфаи неруи барқ на танҳо ба коҳиши хароҷоти оилавӣ, балки ба самаранокии неруи барқ низ мусоидат менамояд
Тоҷикистон ва Узбекистон оид ба истифодаи долони нақлиётӣ, ки Чинро бо Аврупо мепайвандад, ба мувофиқа расиданд
Сохтмони хати барқии баландшиддати ҳавоӣ аз зеристгоҳи «Равшан» то зеристгоҳи «Шаҳринав-2» идома дорад
Корхонаҳои саноатии ноҳияи Мастчоҳ ба маблағи беш аз 356 миллион сомонӣ маҳсулот истеҳсол намудаанд
Татбиқи барномаҳои электронии идоракунӣ ва истифодаи технологияҳои рақамӣ дар фаъолияти соҳаи об баррасӣ шуд
