Кишоварзони ноҳияи Мастчоҳ имсол беш аз 31 ҳазор тонна пахта ҷамъоварӣ менамоянд
ДУШАНБЕ, 02.09.2025. /АМИТ «Ховар»/. Имсол кишоварзони ноҳияи Мастчоҳ дар 10 ҳазору 280 гектар пунбадона кишт намуданд, ки ҳоло дар аксар хоҷагиҳо маъракаи ҷамъоварии ҳосили пахта оғоз гардидааст. Дар ин хусус ба АМИТ «Ховар» аз хадамоти матбуоти Раиси вилояти Суғд иттилоъ доданд.
Тибқи дурнамо, кишоварзон имсол 31 ҳазору 300 тонна ҳосили пахта ҷамъоварӣ менамоянд. Дар айни замон дар ноҳияи Мастчоҳ 10 корхонаи қабулу коркарди пахта фаъолият дорад.
Хоҷагии деҳқонии «Сангин Қуддус»-и шаҳраки Бӯстон дорои 30 гектар замини кишоварзӣ мебошад, ки дар 25 гектари он пунбадона кишт карда шудааст.
Аъзои хоҷагии деҳқонии «Сангин Қуддус» иброз доштанд, ки ҳосили имсола назар ба соли 2024 чанд маротиба зиёд аст, зеро навъҳои пахтаи «Ҷунтай» ва «ЭФ-52» мутобиқ ба иқлими минтақа интихоб гардида, кишт бо усули зери плёнка гузаронида шуд. Ин усули кишт назар ба тарзи маъмулӣ самаранокии бештар дорад.
АКС: Хадамоти матбуоти Раиси вилояти Суғд
Раиси Палатаи ҳисоби Тоҷикистон дар машварати байналмилалӣ дар Чин иштирок намуд
Кормандони соҳаи алоқа бо мукофотҳои давлатӣ сарфароз гардиданд
Беш аз 75 фоизи иқтидори умумии энергетикии Тоҷикистон дар ҳудуди вилояти Хатлон ҷойгир мебошад
Ба ифтихори 35-солагии Истиқлоли давлатӣ сохтмончиёни НБО-и «Роғун» бо мукофотҳои давлатӣ сарфароз гардонида шуданд
Эмомалӣ Раҳмон: «Дар вилояти Хатлон беш аз 100 лоиҳаи сармоягузории давлатӣ амалӣ гардид»
Бахшида ба 35-солагии Истиқлолияти давлатӣ дар Фурудгоҳи байналмилалии Душанбе ҷамъомади тантанавӣ доир шуд
Дар Хоруғ рушди рақамикунонӣ дар низоми энергетикии Бадахшон баррасӣ шуд
Бахшида ба 35-солагии Истиқлоли давлатӣ дар Кумитаи ҳифзи муҳити зист ҷамъомади тантанавӣ баргузор шуд
Тоҷикистон ва Кувайт ҳамкории байнибонкиро тақвият медиҳанд
Бахшида ба Рӯзи авиатсияи граждании Ҷумҳурии Тоҷикистон дар Душанбе ҷамъомади тантанавӣ доир гардид
Бонки миллии Тоҷикистон ба ифтихори 35-солагии Истиқлоли давлатии Ҷумҳурии Тоҷикистон тангаҳои хотиравиро ба фурӯш баровард
