МАХЗАНИ ДОНИШ ДАР ҲАР ХОНАДОН. Ба 63 ҳазор оилаи ноҳияи Рӯдакӣ асари безавол — «Шоҳнома» тақдим мегардад
ДУШАНБЕ, 18.09.2025. /АМИТ «Ховар»/. Бо иқдоми Президенти Ҷумҳурии Тоҷикистон муҳтарам Эмомалӣ Раҳмон ба 63 ҳазор оилаи ноҳияи Рӯдакӣ 120 ҳазор китоби «Шоҳнома»-и безаволи Абулқосим Фирдавсӣ тақдим карда мешавад. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Рӯдакӣ хабар доданд.
Дар асоси иқдоми неки фарҳангпарваронаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон китоби безаволи «Шоҳнома»-и Абулқосим Фирдавсӣ аз нав ва бо сифати баланд ба нашр расид.
Тақсими ин шоҳасар, ки бо дастури Сарвари давлат бояд ба ҳар хонаводаи аҳолии мамлакат дастрас карда шавад, дар ноҳияи Рӯдакӣ оғоз гардид.
Тақдими туҳфаи Президенти Ҷумҳурии Тоҷикистон муҳтарам Эмомалӣ Раҳмон дар 14 ҷамоати ноҳия ба роҳ монда шуда, нахуст ба собиқадорон тақдим карда шуд.
Оилаҳое, ки китобро дастрас намуданд, зимни суҳбат бо аъзои гурӯҳи корӣ иброз доштанд, ки бузургтарин махзан — калиди дари дониш ва пандномаи беназир барои омӯзиши амиқи таъриху тамаддуни халқи тоҷик вориди хонадони мо гардид.
Масъулин таъкид карданд, ки ин шоҳасар дар роҳи тарбияи фарзандон барои омӯзиши таъриху фарҳанги ниёгон мусоидат намуда, дар тарбияи меҳаншиносӣ, ҳувияти миллӣ ва дарки худогоҳиву худшиносии ҳар фарди миллат нақши босазо мегузорад. Ҳар сокини бонангу ори ноҳия ин шоҳасарро бо ифтихори баланди ватандӯстӣ бояд мутолиа намояд.
АКС: Мақомоти иҷроияи ҳокимияти давлатии ноҳияи Рӯдакӣ
Дар Душанбе Рӯзи фарҳанги ноҳияи Рӯшон баргузор гардид
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
ТАМАДДУНИ ТОҶИКОН. Аз ёдгории таърихии «Сайёд» муҳри шоҳии марбут ба аҳди Кӯшониён дарёфт гардид
Таҳти унвони «Эмомалӣ Раҳмон: абармарди сиёсат, ҳақиқатнигори таърих, ҳувиятофари миллат» конференсияи байналмилалӣ доир шуд
Дар Душанбе рӯзҳои фарҳанги вилояти Суғд, ноҳияҳои Ванҷ, Шуғнон ва Рӯшон баргузор мегарданд
Оид ба вазъ ва дурнамои хизматрасонӣ ба истифодабарандагон дар китобхонаҳо ҳамоиш доир шуд
