Мусобиқаи 15-уми байналмилалӣ оид ба теннис дар Душанбе идома дорад
ДУШАНБЕ, 16.09.2025. /АМИТ «Ховар»/. 15 сентябр дар корти тенниси майдончаҳои тобистонаи Корхонаи воҳиди давлатии «Роҳи оҳани Тоҷикистон» Мусобиқаи 15-уми байналмилалӣ оид ба теннис барои дарёфти Ҷоми Президенти Ҷумҳурии Тоҷикистон оғоз гардид, ки то 18 сентябр идома меёбад.
Тавре ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон иттилоъ доданд, дар Мусобиқаи 15-уми байналмилалӣ 60 варзишгар ва беҳтарин ҳайатҳои даставии теннисбозон аз 13 давлати ҷаҳон, аз ҷумла Тоҷикистон, Русия, Чин, Эрон, Амрико, Арабистони Саудӣ, Покистон, Кореяи Ҷанубӣ, Қазоқистон, Узбекистон, Туркманистон, Қирғизистон ва Федератсияи байналмилалии теннис иштирок доранд.
Ҳадафи баргузории мусобиқаи байналмилалӣ оид ба теннис муттаҳид намудани варзишгарон дар риштаи теннис ва рушди теннис дар мамлакат мебошад.
Соҳаи тарбияи ҷисмонӣ ва варзиш яке аз рукнҳои арзишмантарин ва муҳимтарини ҷомеа барои тарбияи насли наврас ва инсоният ба ҳисоб меравад. Зеро мақсади асосии тарбияи ҷисмонӣ ва варзиш танҳо иборат аз таҳкими саломатии инсон нест, балки он бо тарбияи меҳнатӣ, ақлӣ, ахлоқӣ ва эстетикӣ низ пайванди ногусастанӣ дошта, муаррифи давлату миллат дар арсаи байналмилалӣ мебошад.
Теннис яке аз намудҳои шуҳратёфтаи варзишӣ буда, аз асрҳои гузашта то ҳол рушду пешравии зиёд дорад. Теннис варзиши шавқовар буда, ба саломатӣ, бахусус системаи дилу рагҳо таъсири хуб мерасонад. Теннис ба инкишофи ҷисмонӣ, беҳтар гардидани саломатӣ ва истироҳати хуб мусоидат менамояд. Ба он дар ҳамаи синну сол ва тамоми фаслҳо бозӣ кардан мумкин аст. Аввалин қоидаҳои тенниси имрӯзаро соли 1873 Уолтер Уингфилд ном англис мураттаб сохта буд. Дар ин бозӣ аз ду тараф яккасӣ ё дукасӣ- мардон ё занон иштирок мекунанд.
Ба туфайли ҳаракатҳои фаъоле, ки ҳангоми бозӣ тағйир меёбанд (давидан, ҷаҳидан, задани тӯб, истодан) фишори хун муътадил шуда, кори дил мустаҳкам мегардад. Бозии теннис барои беҳтар кардани кори чашм низ воситаи асосӣ ба ҳисоб меравад.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон








БОЗИҲОИ ОСИЁӢ. Шумораи медалҳои варзишгарони навраси тоҷик ба 15 адад расид
«Истиқлол» бар дастаи футболи «Равшан»-и шаҳри Кӯлоб дар бозии охири даври 20-уми Лигаи олии Тоҷикистон ғолиб омад
«Регар-ТадАЗ» дар марҳилаи гурӯҳии Лигаи даъвати КФО-2025/26 бо дастаи футболи Ал-Арабӣ»-и Кувайт бозӣ кард
БОЗИҲОИ ОСИЁӢ. Варзишгарони навраси тоҷик дар ин мусобиқа соҳиби 12 медал гардиданд
Варзишгарони собиқадори тоҷик дар Чемпионати ҷаҳон оид ба самбо соҳиби 10 медал гаштанд
Дастаи мунтахаби наврасони Тоҷикистон (U-17) бо дастаи Кореяи Ҷанубӣ бозии санҷишӣ анҷом дод
Варзишгоҳи нави марказии ноҳияи Восеъ дорои 21 ҳазор ҷойи нишаст мебошад
Рақибони дастаи мунтахаби Тоҷикистон оид ба футзал дар Бозиҳои ҳамбастагии исломӣ-2025 муайян гардиданд
Имрӯз «Регар-ТадАЗ» аввалин бозиро дар марҳилаи гурӯҳии Лигаи даъвати КФО-2025/26 баргузор мекунад
Дастаи мунтахаби наврасони Тоҷикистон (U-17) оид ба футбол дар бозии санҷишӣ бо Каледонияи Нав ҳисобро мусовӣ кард
«Регар-ТадАЗ» барои иштирок дар марҳилаи гурӯҳии Лигаи даъвати КФО-2025/26 ба Бишкек сафар кард
Дар шаҳри Хуҷанд Чемпионати Тоҷикистон оид ба бокс ҷамъбаст гардид






