Намояндагони Парлумони Иттиҳоди Аврупо бо донишҷӯёни Академияи идоракунии давлатӣ мулоқот намуданд
ДУШАНБЕ, 17.09.2025 /АМИТ «Ховар»/. 16 сентябр дар Академияи идоракунии давлатии назди Президенти Ҷумҳурии Тоҷикистон мулоқоти роҳбарият, омӯзгорон ва донишҷӯён бо ҳайати вакилони Парлумони Иттиҳоди Аврупо баргузор шуд, хабар доданд ба АМИТ «Ховар» аз академия.
Ректори Академияи идоракунии давлатӣ Даврон Сафарзода таъкид намуд, ки чунин вохӯриҳо барои рушди маърифати сиёсӣ ва ҷаҳонбинии донишҷӯён аҳамияти муҳим доранд. Академия ҳамчун муассисаи таҳсилоти олии касбӣ, ки барои тайёр намудани кадрҳои идоракунии давлатӣ масъул аст, ба тавсеаи робитаҳои байналмилалӣ, аз ҷумла бо давлатҳои Иттиҳоди Аврупо таваҷҷуҳи хосса зоҳир мекунад. Донишҷӯён бояд аз имконияти омӯзиш ва ҳамкорӣ бо институтҳои аврупоӣ самаранок истифода намоянд.
Роҳбари ҳайати Парлумони Иттиҳоди Аврупо хонум Ҷузеппина Принчи таваҷҷуҳи хоссаи Иттиҳоди Аврупоро ба соҳаи маориф ва рушди ҷавонон иброз намуд.
«Иттиҳоди Аврупо омода аст, ки дар самти таҳкими ҳамкории илмӣ-таълимӣ бо муассисаҳои таҳсилоти олии Ҷумҳурии Тоҷикистон, аз ҷумла Академияи идоракунии давлатӣ иқдоми мушаххас ба роҳ монад»,-гуфт Ҷузеппина Принчи.
Дар мулоқот донишҷӯён ба саволҳояшон вобаста ба масоили рушди демократия, мубодилаи таҷриба, имконияти таҳсил дар давлатҳои аврупоӣ ва масъалаҳои мубрами ҷаҳони муосир ҷавобҳои мушаххасу муфассал дарёфт намуданд.
Чунин вохӯриҳо барои тақвияти робитаҳои инсонӣ, фарҳангӣ ва маърифатӣ байни давлатҳо заминаи мусоид буда, дар таҳкими робитаҳо байни Ҷумҳурии Тоҷикистон ва Иттиҳоди Аврупо нақши назаррас мебозанд.
Инчунин зимни мулоқоти роҳбарияти академия бо меҳмонон имконияти иштироки академия дар барномаҳои минтақавию байналмилалӣ ва дигар лоиҳаҳои таҳқиқотии Иттиҳоди Аврупо баррасӣ гардид.
Ҷонибҳо ба мувофиқа расиданд, ки гурӯҳҳои кории муштарак таъсис дода, дар заминаи созишномаҳои оянда лоиҳаҳои мушаххас таҳия ва татбиқ гарданд.
АКС: Академияи идоракунии давлатии назди Президенти Ҷумҳурии Тоҷикистон
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
