Таҳкими ҳамкории гумрукӣ дар ҷаласаи коршиносони Шурои роҳбарони хадамоти гумруки ИДМ баррасӣ гардид
ДУШАНБЕ, 25.09.2025 /АМИТ «Ховар»/. Дар доираи ҷаласаи Шурои роҳбарони хадамоти гумруки Иттиҳоди Давлатҳои Мустақил дар шаҳри Душанбе ҷаласаи коршиносони Шурои роҳбарони хадамоти гумруки кишварҳои аъзои Иттиҳоди Давлатҳои Мустақил баргузор шуд, иттилоъ медиҳад АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон.
Дар ҷараёни вохӯрӣ масъалаҳои гуногуни марбут ба такмили ҳамкории гумрукӣ ва равандҳои ҳамгироӣ дар доираи Иттиҳод баррасӣ гардиданд.
Коршиносон иҷрои қарорҳои ҷаласаҳои қаблӣ, таҳияи ҳисоботи фаъолияти Шуро барои соли 2025 ва лоиҳаҳои нақшаи фаъолият барои соли 2026-ро муҳокима карданд. Ба масъалаҳои ташкили
назорати гумрукӣ, идоракунии хатарҳо, ҳамкории воҳидҳои ҳифзи ҳуқуқ, навсозии Низомномаи Кумитаи роҳбарони воҳидҳои ҳифзи ҳуқуқи хадамоти гумрукӣ, инчунин мувофиқсозии номзадҳо ба мансабҳои роҳбарӣ, аз ҷумла директори гурӯҳи минтақавии иртибот оид ба ҳамкории ҳифзи ҳуқуқи Созмони ҷаҳонии гумрук (WCO) (RILO-Москва) таваҷҷуҳи махсус дода шуд.
Инчунин масъалаҳои амалии марбут ба таснифоти молҳои алоҳида, ташкили боркашонии контейнерӣ ва мултимодалӣ муҳокима карда шуданд.
Коршиносон ҳамчунин чорабиниҳои омодагӣ ба ҷаласаи 82-юми Шурои роҳбарони хадамоти гумруки Иттиҳоди Давлатҳои Мустақилро, ки соли 2026 баргузор мешавад, муайян намуданд.
Дар ҳошияи ҷаласаи Шурои роҳбарони хадамоти гумруки Иттиҳоди Давлатҳои Мустақил дар Душанбе вохӯрии муштараки коршиносони хадамоти гумруки кишварҳои аъзои Иттиҳоди иқтисодии АвруОсиё баргузор гардид. Дар он масъалаҳои марбут ба ҳамкорӣ дар соҳаи гумрук баррасӣ гардиданд.
АКС: Хадамоти гумруки назди Ҳукумати Ҷумҳурии Тоҷикистон
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
