Тоҷикистон дар Ню-Йорк ҷаласаи махсуси сатҳи баланд баргузор намуд
ДУШАНБЕ, 06.09.2025 /АМИТ «Ховар»/. 5 сентябр дар қароргоҳи Созмони Милали Муттаҳид дар Ню-Йорк тибқи нақшаи чорабиниҳои Ҷумҳурии Тоҷикистон зимни раёсат дар Шурои иҷроияи Хазинаи кӯдакони Созмони Милали Муттаҳид (ЮНИСЕФ) ҷаласаи махсуси сатҳи баланд таҳти унвони «Таъмини об ва беҳдошт барои ҳар кӯдак» баргузор гардид.
Намояндаи доимии Ҷумҳурии Тоҷикистон дар Созмони Милали Муттаҳид Ҷонибек Ҳикмат ба ҳайси Президенти Шурои иҷроияи Хазинаи кӯдакони Созмони Милали Муттаҳид (ЮНИСЕФ) таъкид намуд, ки дастрасӣ ба об ва беҳдошт ҳуқуқи инсон буда, барои саломатӣ ва шаъну шарафи кӯдакон аҳаммияти хосса дорад. Ҷонибек Ҳикмат ҳамчунин ба таъсири ҷиддии тағйирёбии иқлим ба захираҳои об ишора намуда, хостори тақвияти иродаи сиёсӣ, маблағгузории устувор ва шарикӣ барои пешбурди Ҳадафи 6 рушди устувор ва таъмини ояндаи ҳар кӯдак гардид.
Сипас дар чорабинӣ панели интерактивӣ баргузор гардида, дар он Вазири энергетика ва захираҳои оби Тоҷикистон Далер Ҷумъа иштирок намуд.
Далер Ҷумъа таъкид намуд, ки Ҷумҳурии Тоҷикистон масъалаҳои WASH-ро ба стратегияҳои миллии мутобиқшавӣ ба иқлим ворид намуда, лоиҳаҳои навсозии инфрасохторро амалӣ месозад. Аз ҷумла, таҷдиди низомҳои обтаъминкунии деҳот бо истифода аз технологияҳои каммасраф ва муҷаҳҳаз намудани беш аз 200 мактаб ва муассисаҳои тиббӣ бо низоми муосири обтаъминкунӣ ва беҳдошт бо дастгирии ЮНИСЕФ ба анҷом расидааст.
Вазир инчунин изҳор дошт, ки иқдоми мазкур собит менамояд, ки ҳалли устувори соҳаи об ва беҳдошт ҳатто дар шароити маҳдудияти захираҳо низ имконпазир аст. Ӯ ҳамчунин иброз намуд, ки Тоҷикистон омода аст таҷрибаи худро дар сатҳи байналмилалӣ тавассути “Раванди оби Душанбе” ва “Соли байналмилалии ҳифзи пиряхҳо” мубодила намояд.
АКС: Намояндагии доимии Ҷумҳурии Тоҷикистон дар Созмони Милали Муттаҳид
Дар Ню-Йорк ҷаласаи Шурои вазирони корҳои хориҷии кишварҳои аъзои МҲТБО баргузор шуд
Дар Ню-Йорк ҷаласаи ғайринавбатии Шурои вазирони корҳои хориҷии СААД баргузор гардид
Дар Тоҷикистон Конфронси нахустини Душанбе оид ба зеҳни сунъӣ баргузор мегардад
Сироҷиддин Муҳриддин бо муовини котиби давлатии ИМА Кристофер Ландау мулоқот анҷом дод
Дар Ню-Йорк масъалаи омодагӣ ба Конфронси оби СММ-2028 дар Душанбе баррасӣ гардид
Сироҷиддин Муҳриддин дар ҷаласаи солонаи Гурӯҳи 77 ва Чин иштирок намуд
Ҳамкории дуҷониба байни Тоҷикистон ва Олмон баррасӣ гардид
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Дар Душанбе брифинг оид ба омодагӣ ба Саммити Иттиҳоди Давлатҳои Мустақил баргузор гардид
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Сироҷиддин Муҳриддин дар чорабинии сатҳи баланди «Ташаккули ояндаи об» иштирок намуд
Дар Ню-Йорк аз ташаббусҳои ҷаҳонии Тоҷикистон дар соҳаи захираҳои об ва тағйирёбии иқлим ёдовар шуданд
