Вакили Маҷлиси намояндагон бо хонандагони муассисаҳои таълимии шаҳри Ҳисор вохӯрӣ намуд
ДУШАНБЕ, 01.09.2025 /АМИТ «Ховар»/. Вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Ҳисор№7 Сурайё Дӯстмуродзода бо хонандагони синфҳои якум ва дуюми муассисаҳои таҳсилоти миёнаи умумии рақами 13 ва 51-и Ҷамоати деҳоти Дурбади шаҳри Ҳисор вохӯрӣ доир намуд. Дар ин хусус ба АМИТ «Ховар» аз Кумитаи иҷроияи Ҳизби Халқии Демократии Тоҷикистон дар шаҳри Ҳисор хабар доданд.
Вакили Маҷлиси намояндагони Маҷлиси Олии Ҷумҳурии Тоҷикистон Сурайё Дӯстмуродзода устодону хонандагонро ба муносибати Рӯзи дониш ва дарси сулҳ табрик намуда, оид ба муҳтавои суханронии Президенти Ҷумҳурии Тоҷикистон муҳтарам Эмомалӣ Раҳмон бахшида ба ин рӯз бо хонандагон суҳбат орост.
Вакили палатаи поёнии Парлумони Тоҷикистон иброз дошт, ки барои донишомӯзии насли наврасу ҷавон бо иқдоми маорифпарваронаи Пешвои миллат муҳтарам Эмомалӣ Раҳмон дар мактабҳо тамоми шароити муосир фароҳам оварда шудааст. Танҳо хонандагонро зарур аст, ки аз имконоти баҳрашон муҳайёшуда ба таври шоиста истифода намоянд.
Бо мақсади ҳавасманд намудани хонандагон ба илмомӯзӣ вакили Маҷлиси намояндагони Маҷлиси Олии мамлакат ба хонандагони синфҳои якум ва дуюми муассисаҳои таҳсилоти миёнаи умумии рақамҳои 13 ва 51-и Ҷамоати деҳоти Дурбад маводи таълимӣ туҳфа намуд.
Вохӯрии вакили Маҷлиси намояндагони Маҷлиси Олии мамлакат Сурайё Дӯстмуродзода бо сокинони гуногункасби шаҳри Ҳисор то 10 сентябр идома меёбад.
АКС: Кумитаи иҷроияи Ҳизби Халқии Демократии Тоҷикистон дар шаҳри Ҳисор
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
