«AI CONF». Дар доираи конфронси байналмилалӣ намоишгоҳи иноватсионӣ баргузор гардид
ДУШАНБЕ, 25.10.2025. /АМИТ «Ховар»/. Имрӯз дар Маркази тиҷоратӣ ва намоишгоҳи Душанбе (Dushanbe EXPO Centre) дар доираи Конфронси байналмилалӣ оид ба зеҳни сунъӣ «AI Conf» намоишгоҳи маҳсулоти саноатӣ ва зеҳни сунъӣ ташкил карда шуд.
Тавре хабарнигори АМИТ «Ховар» иттилоъ медиҳад, дар намоишгоҳ лоиҳаҳои калидии миллӣ дар соҳаи AI, аз ҷумла «SoroLLM» — модели забонии миллӣ бо 27 миллиард параметр, «Area AI» — нахустин «AI Free Zone» ва «darya.ai» — кластери ҳисоббарории экологии зеҳни сунъӣ муаррифӣ карда шуданд.
Иттилоъ дода шуд, ки «SoroLLM» модели забонии миллӣ бо 27 миллиард параметр буда, бо истифода аз маълумоти маҳаллӣ омӯхта шудааст ва дақиқияти баланд дар забони тоҷикӣ дорад. «Area AI» нахустин «AI Free Zone» дар минтақа бо Академияи зеҳни сунъӣ ва озмоишгоҳҳои илмӣ мебошад, ки барои ширкатҳо 25 сол имтиёзҳои андозиву гумрукӣ ва имкониятҳои худтанзимкунӣ дар соҳаи AI фароҳам меорад. «darya.ai» кластери ҳисоббарории экологии зеҳни сунъӣ буда, бо истифода аз неруи сабз фаъолият мекунад ва то соли 2030 иқтидораш ба 1 ГВт мерасад.
Инчунин ташаббуси ворид намудани зеҳни сунъӣ ба барномаҳои асосии таълимӣ дар муассисаҳои таҳсилоти миёнаи умумӣ муаррифӣ гардид.
Гуфта шуд, ки дар доираи ин барномаҳо то соли 2028 беш аз 4 000 мактаб ва 2 миллион хонанда фаро гирифта мешавад.
Моҳинави НАВРӮЗ,
Тоҳирҷон САИД (АКС)
АМИТ «Ховар»
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
