Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
ДУШАНБЕ, 16.03.2026 /АМИТ «Ховар»/. Конфронси 30-юми тарафҳои Конвенсияи қолабии Созмони Милали Муттаҳид оид ба тағйирёбии иқлим (COP30) ва раванди такмили Саҳми дар сатҳи миллӣ муайяншуда зимни ҳамоише, ки дар шаҳри Душанбе баргузор гардид, натиҷагирӣ карда шуд, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Ҳамоиш бо ташаббуси Кумитаи ҳифзи муҳити зисти назди Ҳукумати Ҷумҳурии Тоҷикистон дар ҳамкорӣ бо Барномаи рушди Созмони Милали Муттаҳид (БРСММ) гузаронида шуда, дар он доираи васеи ҷонибҳои манфиатдор, аз ҷумла намояндагони вазорату идораҳои давлатӣ, шарикони рушд, бахши хусусӣ, ташкилоти ҷамъиятӣ, ҷавонон, доираҳои илмӣ-академӣ, инчунин коршиносони миллӣ ва байналмилалӣ иштирок намуданд. Дар ҳамоиш натиҷаҳои COP30 ва муайян намудани пайомадҳои онҳо барои раванди такмили Саҳми дар сатҳи миллӣ муайяншудаи Ҷумҳурии Тоҷикистон (NDC 3.0) муҳокима гардид.
Дар ҳамоиш Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода, Сафири Шоҳигарии Муттаҳидаи Британияи Кабир ва Ирландияи Шимолӣ дар Ҷумҳурии Тоҷикистон хонум Кэтрин Смиттон ва Намояндаи доимии Барномаи рушди Созмони Милали Муттаҳид дар Тоҷикистон Судипто Мукерҷӣ сухан намуданд.
Дар ҳамоиш коршиносони миллӣ ва байналмилалӣ натиҷаҳои асосии COP30-ро муаррифӣ намуда, аз ҷумла ба масъалаҳои афзоиши ҳаҷми дастгирии молиявӣ ва таваҷҷуҳи бештар ба мутобиқшавӣ аҳаммияти махсус доданд.
Дар ҳамоиш ҳамзамон масъалаҳо оид ба иштироки Ҷумҳурии Тоҷикистон дар музокироти иқлимӣ, пешрафти раванди таҳияи NDC 3.0, инчунин пешниҳодҳо барои тақвияти сиёсати иқлимии мамлакат, аз ҷумла дар самтҳои коҳиш додани партовҳо, мутобиқшавӣ, таҳкими низоми шаффофият (ETF/MRV) ва ҷалби сармоягузориҳои «сабз» мавриди баррасӣ қарор дода шуданд. Ҳамоиш ба майдони муассири мубодилаи афкор ва таҳияи тавсияҳо табдил ёфта, дар таҳкими ҳамоҳангсозии байниидоравӣ ва густариши ҳамкории шарикон ҷиҳати баланд бардоштани устувории иқлимии Ҷумҳурии Тоҷикистон нақши муҳим бозид.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Ҷашни Тиргон асоси илмиву таърихӣ ва фарҳангиву маънавӣ дорад
Имрӯз дар «Боғи Ирам» ҷашни Тиргон, иди зардолу ва намоиши «Хушкмеваҳои Тоҷикистон» баргузор мешаванд
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
