Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
ДУШАНБЕ, 18.10.2025 /АМИТ «Ховар»/. 17 октябр ҳайати Ҷумҳурии Тоҷикистон таҳти роҳбарии муовини якуми Сарвазири Ҷумҳурии Тоҷикистон Ҳоким Холиқзода дар маҷлиси машваратии кишварҳои аъзои ҷаласаҳои солонаи Хазинаи байналмилалии асъор ва Гурӯҳи Бонки ҷаҳонӣ дар Амрико иштирок намуд.
Тавре АМИТ «Ховар» бо истинод ба Бонки миллии Тоҷикистон хабар медиҳад, дар кори ҷаласа доираи васеи масъалаҳои молиявӣ, аз қабили таъмини суботи иқтисодӣ, сиёсати пулию қарзӣ бо назардошти вазъи геосиёсӣ, таҳкими дурнамои рушд, таъсири номуайянӣ ва хатарҳо дар пасманзари муноқишаҳои давомдор, инчунин дигар масоили аҳамияти ҷаҳонӣ мавриди муҳокима қарор гирифтанд.
Роҳбари ҳайати Тоҷикистон Ҳоким Холиқзода вазъи кунунии иқтисоди ҷумҳурӣ, дастовардҳои макроиқтисодӣ ва самтҳои афзалиятноки сиёсати пулию қарзиро шарҳ дод. Иброз гардид, ки ҳамкории судманд ва дарозмуддати Тоҷикистон бо Хазинаи байналмилалии асъор ва Гурӯҳи Бонки ҷаҳонӣ дар татбиқи ислоҳоти иқтисодиву сохторӣ нақши муҳим доранд.
Дар нишаст ҳамкории самарабахш дар доираи Барномаи «Фишанги ҳамоҳангсозии сиёсат» (PCI) воситаи муҳими пешбурди ислоҳот дар бахшҳои сиёсати пулӣ, беҳтарсозии идоракунӣ ва тақвияти шаффофият арзёбӣ гардид.
Таъкид шуд, ки рушди устувори иқтисоди ҷумҳурӣ дар соли 2025 ва таваҷҷуҳи сармоягузорони хориҷӣ ба бозори Тоҷикистон аз сатҳи баланди эътимод ба иқтисоди миллӣ ва суботи низоми молиявӣ шаҳодат медиҳад. Рақамигардонии иқтисодиёт, рушди энергетикаву иқтисоди сабз ва сармоягузории устувор ҳамчун афзалиятҳои муҳими стратегии ҷумҳурӣ муайян карда шуда, ҳамкории наздик бо Бонки ҷаҳонӣ ва дигар шарикони рушд барои татбиқи ҳадафҳои гузошташуда нақши ҳалкунанда дорад.
«Ҷумҳурии Тоҷикистон ҷонибдори густариши ҳамкории минтақавӣ дар Осиёи Марказӣ буда, таҳкими робитаҳо дар самтҳои савдо, энергетика, нақлиёт ва инфрасохтори рақамиро омили муҳими таҳкими устувории иқтисодии минтақа медонад»,-иброз гардид дар ҷаласа.
Зимни муҳокимаронӣ иштирокдорони дигари ҷаласа низ доир ба таҷриба ва дастоварди мамлакатҳои худ дар самти рақамикунонии иқтисодиёт, рушди иқтисоди сабз, беҳсозии муҳити сармоягузорӣ ва густариши истифодаи воситаҳои молиявии устувор ва тавсеаи ҳамкорӣ бо институтҳои байналмилалии молиявӣ табодули назар намуданд.
АСК: Бонки миллии Тоҷикистон
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
