Ҳамкории Тоҷикистон ва Гурӯҳи Бонки исломии рушд дар пешбурди лоиҳаҳои стратегӣ дар Амрико баррасӣ гардид
ДУШАНБЕ, 16.10.2025 /АМИТ «Ховар»/. Дар шаҳри Вашингтони Иёлоти Муттаҳидаи Амрико мулоқоти ҳайати Ҷумҳурии Тоҷикистон таҳти роҳбарии муовини якуми Сарвазири Ҷумҳурии Тоҷикистон Ҳоким Холиқзода бо Президенти Гурӯҳи Бонки исломии рушд Муҳаммад Сулаймон Ал-Ҷассер баргузор шуд, ки дар он ҳамкорӣ байни Ҷумҳурии Тоҷикистон ва Гурӯҳи Бонки исломии рушд мавриди баррасӣ қарор дода шуд. Дар ин хусус АМИТ «Ховар» бо истинод ба Вазорати молияи Ҷумҳурии Тоҷикистон хабар медиҳад.
Зимни мулоқот ҷонибҳо ҳамкории босамар байни Тоҷикистон ва Гурӯҳи Бонки исломии рушдро, ки то имрӯз маблағгузории беш аз 900 миллион доллари амрикоиро дар бар мегирад, мусбат арзёбӣ намуданд.
Ҳамсуҳбатон саҳми арзандаи Бонки исломии рушдро дар пешбурди лоиҳаҳои стратегии ҷумҳурӣ, аз ҷумла ҷалби аввалин маблағгузории 150 миллиондолларӣ ба лоиҳаи Неругоҳи барқи обии «Роғун» ва саҳм дар ҷалби маблағҳои иловагии давлатҳои арабӣ иброз намуданд.
Ҳамзамон дар мулоқот афзалияти стратегии мамлакат муаррифӣ гардида, барои идомаи дастгирии лоиҳаҳо дар самтҳои рушди энергетика ва афзоиши истеҳсоли неруи барқ аз манбаъҳои барқароршаванда, таҳкими инфрасохтори нақлиётӣ ва табдил додани Тоҷикистон ба мамлакати транзитӣ, навсозии соҳаи обёрӣ ва таъмини оби нӯшокӣ, густариши иқтисоди «сабз» ва амалӣ намудани технологияҳои рақамӣ, дастгирии соҳибкории истеҳсолӣ ва рушди тиҷорат, инчунин вусъат додани иқтидори содиротӣ ва дастгирии бахши хусусӣ даъват ба амал оварда шуд.
Ҷонибҳо мувофиқа намуданд, ки ҳамкориро дар асоси «Стратегияи ҳамкории дуҷониба барои солҳои 2023–2026» идома дода, барои таъмини устувории молиявии лоиҳаҳо ҷалби бештари захираҳои имтиёзнок, аз ҷумла грантҳо ва қарзҳо бо шартҳои сабукро дар мадди аввал қарор медиҳанд.
Мусоҳибон барои таҳкими минбаъдаи ҳамкорӣ бо назардошти афзалияти стратегии Тоҷикистон изҳори омодагӣ намуда, бобати татбиқи лоиҳаҳои нав ва ҷалби маблағгузории иловагӣ ба мувофиқа расиданд.
АКС: Вазорати молияи Ҷумҳурии Тоҷикистон
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
