Аз 22 октябр дар Тоҷикистон «Низоми ягонаи суғуртаи электронӣ» ба фаъолият оғоз менамояд
ДУШАНБЕ, 02.10.2025 /АМИТ «Ховар»/. Шуруъ аз 22 октябри соли 2025 дар Ҷумҳурии Тоҷикистон «Низоми ягонаи суғуртаи электронӣ» ба фаъолият оғоз менамояд. Чунин маълумот додааст Бонки миллии Тоҷикистон ба соҳибон ва ронандагони воситаҳои нақлиёт.
Тибқи иттилои манбаъ, ҳадафи асосии фаъолияти «Низоми ягонаи суғуртаи электронӣ» рақамикунонӣ ва ҳамгироии равандҳо дар низоми суғурта мебошад, ки ба шаффофият, батанзимдарорӣ, назорати сифатнок ва ҳимояи манфиатҳои истеъмолкунандагони хизматрасониҳои суғуртавӣ мусоидат менамояд.
Санҷиши мавҷудияти полиси суғуртаи ҳатмии ҷавобгарии гражданию ҳуқуқии соҳибони воситаҳои нақлиёт дар портали суғуртавии Бонки миллии Тоҷикистон аз рӯйи рақами давлатии бақайдгирии воситаи нақлиёт имконпазир аст.
Бо назардошти ҷузъиёти техникӣ қисме аз полисҳои амалкунандаи суғурта дар баъзе мавридҳо дар низом инъикос намеёбанд. Барои ҳалли ин масъала Telegram-канали расмӣ таъсис дода шудааст. Дар ҳолати муваққатан мавҷуд набудани маълумот оид ба полиси амалкунандаи суғурта соҳибони воситаҳои нақлиёт метавонанд тавассути аксгирӣ полиси суғуртавияшонро ба мессенҷери Telegram ба рақами +992 177 99 39 39 ирсол намоянд. Маълумоти фиристода ҳамарӯза ба ташкилоти суғуртавӣ ирсол карда шуда, дар муддати 10 рӯз ба Низоми ягона ворид мегардад.
То пурра ворид гардидани ҳама полисҳои амалкунанда ба «Низоми ягонаи суғуртаи электронӣ» нисбат ба соҳибони воситаҳои нақлиёт ва ронандагон ҷарима татбиқ намегардад.
Ҳангоми пайдо гардидани саволҳо ва мушкилот оид ба ирсоли аксҳои полисҳои суғуртавӣ шаҳрвандон метавонанд ба маркази тамоси «Низоми ягонаи суғуртаи электронӣ»-и Бонки миллии Тоҷикистон бо рақамҳои кӯтоҳи 3939 ҳамарӯза аз соати 08:00 то 20:00 муроҷиат намоянд.
Бонки миллии Тоҷикистон соҳибон ва ронандагони воситаҳои нақлиётро даъват менамояд, ки полисҳои худро санҷида, дар ҳолати зарурӣ маълумотро барои воридкунии саривақтии онҳо ирсол намоянд.
АКС: Бонки миллии Тоҷикистон
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
