Дар доираи «Душанбе Инвест-2025» мубоҳисаи канории «Маблағгузории иқлим ва бозорҳои карбонӣ» баргузор гардид
ДУШАНБЕ, 14.10.2025 /АМИТ «Ховар»/. Имрӯз дар доираи Форуми байналмилалии сармоягузории «Душанбе Инвест-2025» дар мавзуи «Маблағгузории иқлим ва бозорҳои карбонӣ» мубоҳисаи канорӣ доир гардид, хабар медиҳад мухбири АМИТ «Ховар».
Иштирокчиён даъватҳо ва имконоти муҳими Тоҷикистонро дар заминаи мушкилоти ҷаҳонии экологӣ ва гузариш ба иқтисоди устувор баррасӣ карданд.
Дар шароити афзояндаи нигарониҳо доир ба тағйирёбии иқлим ва таъсири он иштирокчиён аҳамияти кӯшишҳои дастҷамъонаро барои ноил шудан ба рушди устувор таъкид намуданд.
«Уҳдадории муштараки мо нисбат ба рушди устувор ҳеҷ гоҳ то ин андоза муҳим набуд»,-изҳор намуданд баромадкунандагон ва диққати махсусро ба захираҳои фаровони табиӣ ва иқтидори бузурги гидроэнергетикии Тоҷикистон равона намуданд.
Иброз гардид, ки форум майдони баррасии стратегияҳо нисбат ба рушди шарикӣ, ки ба сармоягузории масъулиятнок ва рушди ками карбонӣ мусоидат мекунад, табдил ёфт. «Бо истифода аз маблағгузории «сабз» мо муҳити табиии худро ҳифз карда, барои суботи дарозмуддати иқтисодӣ, таъсиси ҷойи кор ва сифати беҳтари зиндагӣ барои наслҳои оянда замина мегузорем»,-баён доштанд иштирокчиён.
Таваҷҷуҳи асосӣ ба зарурати тағйироти куллӣ дар ҷараёни маблағгузории ҷаҳонӣ барои ноил шудан ба ҳадафҳои Созишномаи Париж ва Рӯзномаи рушди устувор то соли 2030 равона карда шуд.
Мавзуи асосии мубоҳиса он буд, ки чӣ гуна маблағгузории «сабз» метавонад сармояи хусусӣ ва давлатиро барои маблағгузории лоиҳаҳо дар соҳаи энергияи таҷдидшаванда, самаранокии энергия ва инфрасохтори устувор муттаҳид намояд.
Лайло ТОИРӢ,
АМИТ «Ховар»
АКС: АМИТ «Ховар»
«IT HUB DUSHANBE». Бо бунёди ин маҷмаа Душанбе ба шаҳри интелектуалӣ, рақамӣ ва инноватсионии Осиёи Марказӣ табдил меёбад
НИШАСТИ МАТБУОТӢ. Хадамоти зиддиинҳисорӣ ба маблағи 1,7 миллион сомонӣ вайронкунии қонунгузории зиддиинҳисориро ошкор намуд
Аз Тоҷикистон дар ҳаҷми беш аз 4298 тонна ангур содирот шудааст
Дар назди Агентии инноватсия ва технологияҳои рақамӣ Маркази ҳифзи маълумот таъсис дода шуд
Дар Форуми сиёсии сатҳи баланд оид ба рушди устувори СММ мавқеи Тоҷикистон оид ба рушди устувор муаррифӣ шуд
Дар Душанбе Машварати чоруми вазирони саноати давлатҳои аъзои Созмони ҳамкории иқтисодӣ доир мешавад
Дар шаҳри Сиани Чин ҳамоиши соҳибкорони вилояти Суғд ва музофоти Шэнсӣ баргузор гардид
НИШАСТИ МАТБУОТӢ. Дар нимсолаи якуми соли 2026 ба Тоҷикистон 889,4 ҳазор сайёҳи хориҷӣ омадааст
Аз Тоҷикистон ба маблағи беш аз 40 миллион доллар маҳсулоти кишоварзӣ содирот шудааст
Дар ноҳияи Шуғнон беш аз 720 оилаи занбӯри асал парвариш карда мешавад
35-СОЛАГИИ ИСТИҚЛОЛИ ДАВЛАТӢ. Дар Душанбе Озмоишгоҳи нави ҷумҳуриявии санҷиши сифати маҳсулоти кишоварзӣ ба истифода дода мешавад
Ҳамкории вилояти Суғд бо ширкатҳои чинӣ густариш меёбад
