Дар Донишгоҳи технологии Тоҷикистон раванди озмоишии модулҳои таълимии лоиҳаи Донишгоҳи кушодаи инноватсияҳо дар озуқаворӣ гузаронида шуд
ДУШАНБЕ, 19.10.2025. /АМИТ «Ховар»/. Аз 11 то 17 октябр тибқи нақшаи лоиҳаи Донишгоҳи кушодаи инноватсияҳо дар озуқаворӣ (OFINU) -и Барномаи Эразмус+-и Иттиҳоди Аврупо дар Донишгоҳи технологии Тоҷикистон раванди озмоишӣ (пилотӣ)-и модулҳои таълимии дар асоси принсип ва ҳадафҳои таҳсилотии шакли муосири хизматрасонии таълимии донишгоҳӣ таҳияшуда, гузаронида шуд.
Тавре ба АМИТ «Ховар» аз Донишгоҳи технологӣ хабар доданд, дарсҳои моҳиронаи модулҳои таълимӣ аз ҷониби профессорону омӯзгорони донишгоҳҳои шарикони лоиҳа аз Иттиҳоди Аврупо дар гурӯҳҳои таъсисдодашудаи аз ҳисоби донишҷӯёни шакли таҳсили рӯзона, шунавандагони беруна аз корхонаҳои саноатӣ ва омӯзгорони донишгоҳҳо гузаронида шуданд.
Раванди озмоишӣ аз ду модули таълимӣ: «Технологияи коркарди шир» (модули технологӣ) ва «Интишори академӣ» (модули малакаҳои нарм) ба нақша гирифта шуда, зери роҳбарӣ ва назорати се устоди ботаҷриба аз Донишгоҳи илмҳои ҳаётӣ ва технологияҳои Латвия амалӣ шуданд. Омӯзгорони донишгоҳҳои аъзои лоиҳа аз Тоҷикистону Узбекистон дар ташкилу баргузор намудани дарсҳои назариявию амалӣ ва машғулиятҳои озмоишӣ саҳм гузоштанд.
Дар доираи машғулиятҳои модули таълимии «Технологияи коркарди шир» донишҷӯёни шакли таълимии донишгоҳи кушода бо фаъолияти корхонаҳои коркарди маҳсулоти ширии Ҷамъияти саҳомии пӯшидаи «Комбинати шири Душанбе» шиносоӣ пайдо намуда, дар раванди озмоиши таъми маҳсулоти тайёри ширӣ иштирок намуданд.
Иштирокдорони ин раванд платформаи таълимии аз ҷониби шарикони лоиҳа таҳияшударо истифода бурданд, ки он дар рушди маҳоратҳои рақамӣ, ҷорӣ намудани хизматрасонии муосири донишгоҳӣ, равандҳои таъмини сифат, алалхусус дар рушди касбии бевоситаи донишҷӯёну шунавандагони беруна ва омӯзгорон муассир аст.
Дар машғулиятҳои озмоишӣ шунавандагони беруна – намояндагони корхонаҳои саноати хӯрокворӣ, аз ҷумла кормандони Ҷамъияти саҳомии пӯшидаи «Комбинати шири Душанбе», Ҷамъияти дорои масъулияти маҳдуди «Саодат» ва Ҷамъияти дорои масъулияти маҳдуди «Осиё М» ҷалб шудаанд.
АКС: Донишгоҳи технологии Тоҷикистон
Дар Донишгоҳи давлатии Бохтар ба шарафи Рӯзи Парчами давлатии Тоҷикистон ҳамоиш доир шуд
Намояндагони Донишгоҳи давлатии Кӯлоб дар мусобиқаи ҷумҳуриявӣ 4 медали тилло ба даст оварданд
Дар ҶСК «Шабакаҳои тақсимоти барқ» дар шаҳри Душанбе филиали кафедраи электроэнергетикаи Коллеҷи техникӣ таъсис дода шуд
Байни Донишгоҳи байналмилалии забонҳои хориҷии Тоҷикистон ва Донишгоҳи байналмилалии Остонаи Қазоқистон созишнома ба имзо расид
ИМТИЁЗИ БЕШТАР. Ба 434 довталаби Озмуни ҷумҳуриявии «Фурӯғи субҳи доноӣ китоб аст» Сертификат тақдим мегардад
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Айнӣ шумораи муассисаҳои соҳаи маориф меафзояд
Дар деҳаи Меҳнатободи ноҳияи Кӯшониён муассисаи нави томактабӣ сохта мешавад
Рушди соҳаи таҳсилоти ибтидоӣ ва миёнаи касбӣ бо намояндагони Агентии Корея оид ба ҳамкории байналмилалӣ баррасӣ шуд
Дар Донишгоҳи байналмилалии забонҳои хориҷии Тоҷикистон бахшида ба 1045-солагии Абуалӣ ибни Сино ҳамоиши байналмилалӣ доир шуд
«САДОҚАТ БА ПЕШВОИ МИЛЛАТ». Ба ифтихори Рӯзи Президенти Тоҷикистон дар Данғара иқдом баргузор шуд
Доир ба нақши Иҷлосияи XVI Шурои Олӣ дар инкишофи давлатдории навини тоҷикон конференсия баргузор шуд
Дар Душанбе масъалаи таҳсилоти босифат баррасӣ гардид
