Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
ДУШАНБЕ, 21.10.2025 /АМИТ «Ховар»/. Давоми 9 моҳи соли равон 1 миллиону 519,5 ҳазор хориҷиён Тоҷикистонро тамошо намудаанд, ки ин нишондиҳанда 296,3 ҳазор нафар ё 24,2 фоиз нисбат ба ҳамин давраи соли 2024 зиёд мебошад. Дар ин хусус АМИТ «Ховар» бо истинод ба Агентии омори назди Президенти Ҷумҳурии Тоҷикистон хабар медиҳад.
Сайёҳӣ дар Тоҷикистон яке аз соҳаҳои муҳими рушди иқтисоди мамлакат ба ҳисоб рафта, солҳои охир дар Ҷумҳурии Тоҷикистон ин соҳа босуръат рушд менамояд. Ин аст, ки ҳамасола сафари сайёҳони хориҷӣ ба Тоҷикистон афзоиш меёбад.
Мутобиқи маълумоти оморӣ, беш аз 1,2 миллион нафари онҳо тибқи методологияи Созмони ҷаҳонии сайёҳӣ сайёҳ арзёбӣ карда мешаванд. Ин рақам нисбат ба ҳамин давраи соли 2024 33,9 фоиз зиёд аст.
Шумораи шаҳрвандони хориҷии аз кишварҳои Иттиҳоди Давлатҳои Мустақил ба ҷумҳурӣ омада 1 миллиону 388,8 ҳазор нафар ё 91,4 фоизи шумораи умумии онҳоро ташкил намудааст, ки аз ин 1 миллиону 147,6 ҳазор нафар сайёҳон мебошанд.
Ҳамзамон шумораи шаҳрвандони хориҷие, ки аз кишварҳои хориҷии дур ба ҷумҳурӣ омадаанд, 130,7 ҳазор нафарро ташкил додааст, ки 113,2 ҳазор нафари онҳо сайёҳон будаанд.
Дар ин давра аксари шаҳрвандони хориҷии ба Тоҷикистон омада аз Узбекистон будаанд. Шумораи онҳо зиёда аз 835,8 ҳазор нафарро ташкил додааст, ки 55 фоизи теъдоди умумии сайёҳонро ташкил медиҳад.
Шумораи сайёҳоне, ки давоми нуҳ моҳ аз Русия ба мамлакат омадаанд, беш аз 414,2 ҳазор нафарро ташкил медиҳад. Дар ҷои сеюм Қирғизистон бо 97,6 ҳазор нафар қарор дорад. Сайёҳон аз Қазоқистон-28,6 ҳазор нафар, Туркманистон- 4,8 ҳазор нафар, мамлакатҳои хориҷи дур: аз Чин-30,4 ҳазор нафар, Афғонистон-13,9 ҳазор нафар, Эрон- 6,8 ҳазор нафар, ИМА- 10,3 ҳазор нафар, Олмон- 6,7 ҳазор нафар, Туркия – 5,1 ҳазор нафар, Ҳиндустон – 3,7 ҳазор нафар, Италия – 3,4 ҳазор нафар, Ҷопон – 3,3 ҳазор нафар, Фаронса 3 ҳазор нафар, Австралия ва Полша- 2,9-ҳазорнафарӣ, Покистон- 2,8 ҳазор нафар, Британияи Кабир ва Ҷумҳурии Корея — 2,5 ҳазорнафарӣ ва Канада 2,1 ҳазор нафарро ташкил медиҳанд.
АКС: АМИТ «Ховар»
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Дар намоишгоҳи «Ҳафтаи байналмилалии сабз» гӯшаи Тоҷикистон ташкил гардид
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
АЗ НАВОВАРӢ ТО РУШДИ УСТУВОР. Мавқеи Душанбе ҳамчун маркази сайёҳӣ дар минтақа тақвият меёбад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
