Дар Русия Конгресси дуюми Ташкилоти умумиҷаҳонии нависандагон баргузор гардид
ДУШАНБЕ, 09.10.2025. /АМИТ «Ховар»/. Дар шаҳри Москваи Федератсияи Русия Конгресси дуюми Ташкилоти умумиҷаҳонии нависандагон баргузор гардида, ба намояндаи аҳли зиёи тоҷик Абдулқаҳҳор Қосимзода медали «Барои саҳми арзанда дар рушди адабиёти ҷаҳон» супорида шуд.
Тавре ба АМИТ «Ховар» шоир Абдулқаҳҳор Қосимзода иттилоъ дод, дар ин ҳамоиш намояндагони беш аз 150 давлати ҷаҳон иштирок намуда, нақши ҷамъиятҳои адибон, санъати тарҷума, намоиши китобҳо, дастгирии истеъдодҳои ҷавон ва дигар масъалаҳои муҳими соҳаи адабиёт ва дипломатияи фарҳангиро мавриди баррасӣ қарор доданд.
Дар доираи ин конгресс таҳти унвони «Мо аз як сайёра ҳастем» ҳамоиш доир шуд, ки адибон ва рӯшанфикрони беш аз 60 кишвари ҷаҳонро ҷамъ овард. Ин ҳамоиш собит кард, ки сарфи назар аз тафовути ҷуғрофӣ ва фарҳангӣ як самти муштараки эҷодкорӣ ва фаҳмиш метавонад дар саросари ҷаҳон паҳн шавад.
Ҳамчунин дар конгресс маросими супоридани Ҷоизаи адабии ҷаҳонии Ташкилоти умумиҷаҳонии нависандагон баргузор шуд. Ҷоиза ба муаллифоне дода шуд, ки на танҳо маҳорати баланд нишон додаанд, балки дар рушди адабиёти ҷаҳонӣ низ саҳми арзанда гузоштаанд.
АКС: Ташкилоти умумиҷаҳонии нависандагон
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
ИҚТИСОДИ РАҚАМӢ ВА ИННОВАТСИЯ. Дар самти рақамикунонии ёдгориҳои таърихию фарҳангӣ ҳамоиш доир шуд
«ДИДОР». Бахшида ба 35-солагии Истиқлоли давлатӣ намоиши мусаввараҳои нодир ифтитоҳ ёфт
Рӯзҳои фарҳанги Тоҷикистон дар Беларус доир мегарданд
СИМПОЗИУМИ БАЙНАЛМИЛАЛИИ ХУТАЛИ ҚАДИМ. Он таърих ва фарҳанги бостонии халқи тоҷикро ба ҷаҳониён муаррифӣ менамояд
Дабири кулли СААД дар Осорхонаи миллӣ бо таъриху тамаддуни тоҷикон шинос шуд
Дар шаҳри Бӯстон даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар шаҳри Душанбе бо мақсади муаррифии дастовардҳои Тоҷикистон дар самти эҳёи ёдгориҳои таърихӣ ҳамоиш доир шуд
