Дар вилояти Суғд нақшаи ҷамъоварии пахта беш аз 131 ҳазор тонна пешбинӣ гардидааст

ДУШАНБЕ, 12.10.2025. /АМИТ «Ховар»/. Имсол дар вилояти Суғд нақшаи истеҳсоли пахта 131 ҳазору 300 тонна пешбинӣ гардида, то имрӯз 73 ҳазору 994 тонна пахта ҷамъоварӣ шудааст, ки ба 56,4 фоизи нақша баробар аст.

Ба иттилои Сарраёсати кишоварзии вилояти Суғд, нақшаи ҷамъоварии пахта дар ноҳияи Ашт 13 ҳазору 851 тонна буда, то имрӯз 8 ҳазору 485 тонна пахта ҷамъоварӣ шудааст, ки ба 61,3 фоизи нақша баробар аст.

Дар ноҳияи Ҷаббор Расулов нақшаи истеҳсол 12 ҳазору 529 тонна муайян гардида, то имрӯз 8 ҳазору 137 тонна пахта ҷамъоварӣ шудааст, ки 65 фоизи нақшаро ташкил медиҳад.

Дар вилояти Суғд бистрӯзаи дуюми маъракаи пахтачинӣ натиҷагирӣ шуда, ғолибони мусобиқаи меҳнатӣ муайян гардиданд. Тибқи ҷамъбасти натиҷаҳо, ноҳияи Ашт мақоми аввал, ноҳияи Ҷаббор Расулов ҷойи дуюм ва дар байни ҷамоатҳо Ҷамоати деҳоти Овчиқалъачаи ноҳияи Бобоҷон Ғафуров ғолиб дониста шуданд.

Дар ин рӯзҳо барои сари вақт ва босифат ба анҷом расонидани маъракаи пахтачинӣ ҷалби тамоми захираҳо ва истифодаи самараноки иқтидори мавҷуда зарур мебошад.

АКС аз бойгонӣ