Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
ДУШАНБЕ, 10.10.2025 /АМИТ «Ховар»/. Ҷумҳурии Тоҷикистон ва Федератсияи Русия ҳамкориро дар соҳаи нақлиёт тақвият медиҳанд. Далели ин ба имзо расидани санади нави ҳамкорӣ байни ду давлат -Харитаи роҳ оид ба ҳамкорӣ дар соҳаи нақлиёт барои солҳои 2025-2030 мебошад.
Ин санад дар доираи сафари давлатии Президенти Федератсияи Русия Владимир Путин ба Ҷумҳурии Тоҷикистон байни Вазорати нақлиёти Ҷумҳурии Тоҷикистон ва Вазорати нақлиёти Федератсияи Русия ба имзо расид. Ба санад аз ҷониби Ҷумҳурии Тоҷикистон Вазири нақлиёти Ҷумҳурии Тоҷикистон Азим Иброҳим ва аз ҷониби Федератсияи Русия Вазири нақлиёти Федератсияи Русия Андрей Никитин имзо намуданд.
АМИТ «Ховар» бо истинод ба Вазорати нақлиёти Ҷумҳурии Тоҷикистон иттилоъ медиҳад, ки ҳадафи ин санад таҳкими ҳамкорӣ дар соҳаи нақлиёт буда, ҷонибҳо дар асоси «Харитаи роҳ» ҳамкориро дар соҳаи нақлиёти роҳи оҳан дар самти интиқоли ҳарчи бештари мусофирон ва боркашонӣ, нақлиёти автомобилӣ, истифодаи технологияҳои рақамӣ дар соҳаи нақлиёт ва ифтитоҳи хатсайрҳои алтернативӣ тақвият медиҳанд.
Ёдовар мешавем, ки дар доираи сафари давлатии Президенти Федератсияи Русия Владимир Путин ба Ҷумҳурии Тоҷикистон дар маҷмуъ 16 санади нави ҳамкории байнидавлатию байниҳукуматӣ ва байни сохторҳои гуногуни Тоҷикистону Русия имзо ва табодул карда шуданд. Ин қадами муҳим дар самти таҳкими робитаҳои гуногунсоҳаи Тоҷикистон ва Русия мебошад.
Марзия САИДЗОДА,
АМИТ «Ховар»
АКС: Хадамоти матбуоти Президенти Ҷумҳурии Тоҷикистон
РУШДИ САНОАТ. Дар Тоҷикистон ҳамасола зиёда аз 4,4 миллион тонна семент истеҳсол мегардад
Дар Душанбе дар мавзуи «Пули сомонӣ-рукни давлатдории миллӣ» конфронси илмӣ-назариявӣ баргузор шуд
Тоҷикистон ва Арабистони Саудӣ ҳамкориро дар соҳаи энергетика густариш медиҳанд
Иштироки Раиси Палатаи ҳисоб Ҷамшед Каримзода дар Конгресси XXV INTOSAI дар шаҳри Шарм-аш-Шайхи Миср
ОМОДАГӢ БА ЗИМИСТОН. ҶСК «Ангишти Камароб» муассисаҳои буҷавии ноҳияҳои Рашту Тоҷикободро бо ангишти хушсифат таъмин намуд
ПУЛИ МИЛЛӢ – РАМЗИ ДАВЛАТДОРӢ. Имрӯз аз ба муомилот баровардани пули миллӣ — сомонӣ 25 сол сипарӣ шуд
Рӯзҳои наздик дар вилояти Хатлон нақшаи ҷамъоварӣ пахта пурра иҷро мегардад
Роҳбари миссияи Хазинаи байналмилалии асъор ба устувории нишондиҳандаҳои макроиқтисодии Тоҷикистон баҳои баланд дод
«Сомон Эйр» имконияти васеъ намудани парки ҳавопаймоҳоро бо ширкати амрикоии ACG баррасӣ намуд
Дар Душанбе китоби «Занбӯриасалпарварӣ»-и Файзулло Мирзо рӯнамоӣ карда шуд
Дар Бонки миллии Тоҷикистон бо ҳайати Хазинаи байналмилалии асъор мулоқот доир гардид
«ХАТЛОН ИНВЕСТ-2025». Дар ин форуми байналмилалӣ имконияту иқтидори сармоягузории вилояти Хатлон муаррифӣ мегардад
