«ХАТЛОН ИНВЕСТ-2025». Дар ин форуми байналмилалӣ имконияту иқтидори сармоягузории вилояти Хатлон муаррифӣ мегардад
ДУШАНБЕ, 29.10.2025/АМИТ «Ховар»/. 11-12 ноябри соли равон маркази маъмурии вилояти Хатлон –шаҳри Бохтар мизбони Форуми байналмилалии сармоягузории «Хатлон Инвест-2025» мегардад. Дар ин хусус АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон хабар медиҳад.
Тавре сардори Раёсати рушди иқтисод, савдо ва мониториниги Мақомоти иҷроия ҳокимияти давлатии вилояти Хатлон Фирӯз Ғоибназарзода дар суҳбат бо хабарнигори АМИТ «Ховар» иттилоъ дод, дар форум шарикони рушд, намояндагони корпусҳои дипломатии муқими Тоҷикистон, роҳбарони минтақаҳои кишварҳои хориҷӣ, аз ҷумла Русия, Узбекистон, Қирғизистон, Туркманистон, Беларус, Қазоқистон, Озарбойҷон, Эрон, Покистон, Чин, Туркия ва доираи васеи соҳибкорони ватанию хориҷӣ иштирок менамоянд.
Форуми байналмилалии сармоягузории «Хатлон Инвест-2025» дар ду панел — «Сармоягузорӣ барои рушди устувори минтақаҳо: имкониятҳои рақамикунонӣ, шарикӣ бо бахши хусусӣ ва табдили вилояти Хатлон ба маркази иқтисоди муосир» ва «Аз замин то бозор- рушди занҷираи арзиш дар кишоварзӣ, содирот ва коркарди маҳсулоти маҳалӣ дар вилояти Хатлон» гузаронида мешавад.
Дар ин машварату ҳамоишҳо механизмҳои ҷалби сармоя ба кластерҳои агроиндустриалӣ, имкониятҳои сармоягузорӣ, рақамикунонӣ дар минтақаҳои озоди иқтисодӣ, дар соҳаҳои сайёҳию ҳунарҳои мардумӣ дар минтақаҳои кӯҳии вилоят, саёҳати экотуризм ва маҳсулоти миллӣ, бренд ва рақамикунонии содирот, инфрасохтори логистикӣ, дастрасӣ ба бозорҳои нав, инчунин ҷалби занону ҷавонон ба занҷираи арзиши кишоварзӣ баррасӣ мегарданд.
Интизор меравад, ки дар доираи баргузории Форуми байналмилалии сармоягузории «Хатлон Инвест -2025» байни ширкату корхонаҳои истеҳсолию саноатӣ санадҳои нави ҳамкорӣ ба имзо расанд.
Ҳамзамон доираҳои соҳибкорӣ ва сармоягузорӣ ва меҳмонону иштирокдорони Форуми байналмилалии сармоягузории «Хатлон Инвест -2025» бо фаъолияти субъектҳои Минтақаи озоди иқтисодии «Данғара», корхонаҳои саноатии шаҳрҳои Бохтар, Кӯлоб ва Норак шинос гардида, мавзеъҳои ҷолиби вилояти Хатлонро тамошо менамоянд.
Ҳадафи Форуми байналмилалии сармоягузории «Хатлон Инвест -2025» муаррифии имкониятҳои сармоягузории вилояти Хатлон, ҷалби сармояи хориҷӣ, хусусан сармояи мустақим ба соҳаҳои иқтисодиёти вилоят, инчунин тақвияти хамкории байниминтақавӣ, дар маҷмуъ баланд бардоштани иқтидори содиротии вилоят ва таҳкими ҳамкории иқтисодию тиҷоратӣ бо шарикони рушд мебошад.
Форуми байналмилалии сармоягузории «Хатлон Инвест-2025» бо ибтикори Мақомоти иҷроияи ҳокимияти давлатии вилояти Хатлон дар ҳамкорӣ бо дигар вазорату идораҳои марбутаи мамлакат гузаронида мешавад.
Марзия САИДЗОДА,
АМИТ «Ховар»
АКС аз манбаъҳои боз
Дар Донишгоҳи давлатии Кӯлоб дар мавзуи моҳияти иқтисоди сабз конференсия баргузор шуд
Дар Кумитаи андоз масъалаҳои мубрами муқовимат ба коррупсия ва роҳҳои пешгирӣ он баррасӣ гардид
Дар Суғд ҳаҷми маблағгузорӣ аз ҷониби аҳолӣ беш аз 3 маротиба зиёд шудааст
Масоили рушди ҳамкорӣ дар соҳаи саноат байни Тоҷикистон ва Арабистони Саудӣ баррасӣ гардид
Иҷрои дурнамои кишти зироат дар шаҳру ноҳияҳои тобеи ҷумҳурӣ баррасӣ гардид
Ҳайати Тоҷикистон дар иҷлосияи 21-уми Конфронси кулли Созмони рушди саноати СММ иштирок менамояд
Дар шаҳри Ваҳдат «Фестивали намоиш ва фурӯши чорвои зотӣ» баргузор гардид
Ҳамкорӣ дар самти ҳисоботдиҳӣ оид ба пардохтҳо ва даромадҳо дар соҳаҳои истихроҷ баррасӣ гардид
Масъалаи беҳтар кардани сифати алоқаи мобилӣ, интернет ва хизматрасонии операторҳои мобилӣ баррасӣ гардид
Оид ба нақши зеҳни сунъӣ дар истифодаи технологияи иттилоотӣ ва рақамӣ конференсия доир шуд
Дар Хадамоти гумрук бахшида ба Рӯзи Парчами давлатии Тоҷикистон маҷлиси тантанавӣ баргузор шуд
Ҳаҷми умумии истеҳсоли маҳсулоти кишоварзӣ дар Кӯлоб беш аз 26 миллион сомонӣ зиёд гардидааст
