Имконоти сармоягузории Тоҷикистон дар соҳаи коркард ва истихроҷи маъданҳои кӯҳӣ дар доираи ҷаласаи канорӣ баррасӣ шуданд
ДУШАНБЕ, 14.10.2025 /АМИТ «Ховар»/. Имрӯз дар доираи Форуми байналмилалии сармоягузории «Душанбе Инвест-2025» дар шаҳри Душанбе дар мавзуи «Захираҳои муҳимми маъданӣ барои гузариш ба иқтисоди «сабз»» ҷаласаи канорӣ баргузор гардид, хабар медиҳад мухбири АМИТ Ховар аз ин чорабинӣ.
Имконияти сармоягузории Ҷумхурии Точикистонро дар самти ҷалби сармояи хориҷӣ барои рушди соҳаи саноати мамлакат, хусусан дар самти истихроҷ ва коркарди маъданҳои кӯҳӣ Вазири саноат ва технологияҳои нави Тоҷикистон Шералӣ Кабир муаррифӣ намуд.
Иштирокдорони ҷаласаи канорӣ имконоти сармоягузорӣ ва афзалияти сиёсатро барои рушди устувор ва аз ҷиҳати экологӣ муҳими бахши ашёи хоми стратегӣ дар Тоҷикистон баррасӣ карданд.
Дар чорабинии канорӣ масъалаҳои муҳими марбут ба иқтидори Тоҷикистон ҳамчун бозигари калидӣ дар бозори металлҳо ва маъданҳои муҳим барои гузариш ба иқтисоди «сабз» баррасӣ гардиданд.
Вазири саноат ва технологияҳои нави Тоҷикистон Шералӣ Кабир иброз намуд ки 98% истеҳсоли энергия дар Тоҷикистон аз манбаъҳои барқароршаванда таъмин карда мешавад ва 93% қаламрави мамлакатро кӯҳҳои аз унсурҳои ҷадвали даврӣ ғанӣ ташкил медиҳанд.
«Тоҷикистон дорои тамоми металлу маъданҳои муҳиме мебошад, ки барои гузариш ба иқтисодиёти «сабз» дар саросари ҷаҳон талаботи зиёд доранд», — таъкид намуд Вазири саноат ва технологияҳои нави ҷумҳурӣ Шералӣ Кабир.
Ба иттилои ӯ, Тоҷикистон дорои нишондиҳандаҳои назарраси иқтисодӣ мебошад. Аз ҷумла, рушди миёнаи солона 7 фоиз ва рушди саноат дар панҷ соли охир ба ҳисоби миёна 20 фоизро ташкил додааст. Ҳукумати Тоҷикистон ташаббуси чоруми «Стратегияи миллии саноатикунонии босуръат»-ро, ки ҳадафи он то соли 2026 ду баробар афзоиш додани истеҳсолот ва таъсиси ним миллион ҷойи нави кор мебошад, амалӣ менамояд.
Зимнан иброз гардид, ки дар ҷумҳурӣ 800 кони гуногуни металлу маъдан мавҷуд буда, 100-тои он дар ҳоли коркард қарор дорад. Ба онҳо никел, литий, сурма, мис ва металлҳои нодир дохил мешаванд. Аммо танҳо дар 5%-и ин конҳо корҳои иктишофии геологӣ гузаронида шудаанд, ки ин барои сармоягузорон имконияти иловагӣ фароҳам меорад.
Таъкид гардид, ки Форуми байналмилалии сармоягузории «Душанбе Инвест-2025» майдони муҳим барои ба роҳ мондани ҳамкории коршиносон, соҳибкорон ва бахши хусусӣ ҷиҳати мусоидат ба рушди саноати кӯҳӣ дар Тоҷикистон мебошад.
Дар ҷаласаи канорӣ таъкид гардид ки Тоҷикистон ҳамчун бозигари калидӣ дар соҳаи рушди устувор ва фарогир ба равишҳои аз ҷиҳати экологӣ масъулиятнок дар соҳаи истихроҷи маъдан таваҷҷуҳи хосса зоҳир менамояд.
Марзия САИДЗОДА,
АМИТ «Ховар»
АКС: АМИТ «Ховар»
Мудири кулли ФАО: «Дар самти истифодаи самараноки захираҳои табиии обу замин бояд оқилона муносибат кард»
Дар Конфронси ФАО дар Душанбе тағйирёбии иқлим, аз байн рафтани гуногунии биологӣ ва вайроншавии замин баррасӣ шуд
Иқтидори кишоварзию саноатии Тоҷикистон дар «Dushanbe EXPO Centre» ба маърази тамошо гузошта шуд
Жанна Исина: «Баргузории конфронси сатҳи баланд дар Душанбе мавқеи байналмилалии Тоҷикистонро тақвият медиҳад»
Дар доираи Конфронси 35-уми минтақавии Созмони озуқаворӣ ва кишоварзӣ ҷаласаи канорӣ оид ба татбиқи ҳуҷҷати «равиши ягонаи саломатӣ» баргузор шуд
Мудири кулли ФАО Тсюй Дунъюй: «Ба Президенти Тоҷикистон барои дар сатҳи баланд баргузор намудани Конфронси 35-уми минтақавии СММ изҳори миннатдорӣ менамоям»
Беш аз 8 миллиард доллар сармоягузорӣ: натиҷаҳои мулоқоти Пешвои миллат Эмомалӣ Раҳмон бо роҳбарони ширкатҳои Чин дар Пекин
Дар Душанбе модели ҳамкории минтақавӣ ва табодули дониш баррасӣ гардид
Тсюй Дунъюй ба муборизаи муштарак бо таҳдидҳои иқлимию иқтисодӣ даъват намуд
Агаси Арутюнян: «Конфронси 35-уми минтақавии ФАО барои муаррифии дастовардҳои Тоҷикистон ва иқтидори кишоварзии он имконияти васеъ фароҳам меорад»
Байни ширкатҳои Тоҷикистону Чин 28 санади ҳамкорӣ ба маблағи умумии 647 миллион доллари амрикоӣ ба имзо расид
Дар Душанбе Конфронси 35-уми минтақавии Созмони озуқаворӣ ва кишоварзии СММ ифтитоҳ гардид
