«Моҳӣ дар шаст» дар Кинофестивали байналмилалии Исфаҳон соҳиби нахустин ҷоизаи байналмилалӣ гардид
ДУШАНБЕ, 09.10.2025 /АМИТ «Ховар»/. 8 октябр филми ҳунарии муштараки Муассисаи давлатии «Тоҷикфилм», «Довфилм» ва ширкатҳои маъруфи эронии «IFilm» ва «30CUP» «Моҳӣ дар шаст» дар маросими ҷамъбасти Кинофестивали 37-уми байналмилалии кӯдакон ва наврасони Исфаҳон дар номинатсияи филмҳои ҳунарии пурраметражи байналмилалӣ «Ҷоизаи хоссаи котиби фестивал»-ро ба даст овард.
Тавре ба АМИТ «Ховар» аз хадамоти матбуоти «Довфилм» хабар доданд, «Ҷоизаи хосса»-и Кинофестивали 37-уми байналмилалии Исфаҳон нахустин ҷоизаи байналмилалии филми ҳунарии «Моҳӣ дар шаст» мебошад.
Кинофестивали байналмилалии наврасону кӯдакони Исфаҳон аз соли 1982 доир гардида, дар он филмҳои беҳтарини дунё намоиш дода мешаванд.
Филми ҳунарии «Моҳӣ дар шаст» истеҳсоли муштараки Тоҷикистону Эрон буда, соли 2024 дар қаламрави Тоҷикистон наворбардорӣ гардидааст. Филм соли 2024 дар Синамоҷашнвораи миллии Душанбе — «Тоҷи Сомон» Шоҳҷоиза ба даст овард.
Дар назар аст, ки нахустнамоиши филми ҳунарии «Моҳӣ дар шаст» дар Тоҷикистон рӯзҳои наздик дар доираи Синамоҷашвораи дуюми байналмилалии Душанбе — «Тоҷи Сомон» намоиш дода шавад.
Ёдовар мешавем, ки ин филм аз рӯзгори Далер ном тарбиятгирандаи мактаб-интернат, ки дар суроғи модараш ба сафари тӯлонӣ мебарояд, қисса мекунад.
Коргардон ва таҳиягари филм Муҳиддини Музаффар буда, филмномаро Бахтиёр Каримов навиштааст. Филм пурра дар пасманзари табиати зебои Тоҷикистон сабт гардида, дар нақшҳои марказӣ Хуршед Мустафоев, Сайёра Сафарӣ, Абдулло Абдураҳимзода, Шаҳло Раҳимӣ, Исфандиёр Ғуломов, Моҳпайкар Ёрова, Асалбек Назриев ва Асланшо Раҳматуллоев ҳунарнамоӣ намудаанд.
АКС: Хадамоти матбуоти «Довфилм»
Даври сеюми Озмуни ҷумҳуриявии «Тоҷикистон — Ватани азизи ман» моҳи октябр баргузор мешавад
Китоби тозанашри «Коллексияи Пешвои миллат дар Осорхонаи миллӣ» муаррифӣ карда шуд
Дар Душанбе Фестивали байналмилалии санъати сиркӣ таҳти унвони «Дунёи сирк — пайвандгари қалбҳо» идома дорад
Китоби «Мероси таърихию фарҳангии шаҳри Душанбе» аз чоп баромад
ЭМОМАЛӢ РАҲМОН – ПАЙВАНДГАРИ ТОҶИКОН ВА ФОРСИЗАБОНОН. Дар ҳошияи китоби Президенти Тоҷикистон «Забони миллат – ҳастии миллат»
Аъзои ҳайати Маҷлиси умумичинии намояндагони мардумии Чин дар Осорхонаи миллӣ бо тамаддуни тоҷикон шинос гардиданд
Ёдгориҳои таърихию фарҳангии Тоҷикистон ба рӯйхати муқаддамотии ЮНЕСКО ворид гардиданд
«ҶАҲОНИ СИРК ДИЛҲОРО МУТТАҲИД МЕКУНАД!». Фестивали якуми байналмилалии санъати сиркӣ оғоз меёбад
Аъзои Маҷлиси умумичинии намояндагони мардумии Чин Қалъаи бостонии Ҳисорро тамошо намуданд
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
