Пешрафти Тоҷикистон тибқи чор самти афзалиятноки Барномаи ОИС-2025 дар Форуми бонкҳои марказии СҲИ арзёбӣ гардид
ДУШАНБЕ, 01.10.2025 /АМИТ «Ховар»/. Ҷумҳурии Тоҷикистон давоми даҳ соли охир, сарфи назар аз номуайяниҳои молиявӣ ва фазои мураккаби сиёсию иқтисодии ҷаҳон уҳдадории худро дар самти рушди фарогиру устувор ва суботи иҷтимоӣ нигоҳ дошта, дар пешбурди самтҳои афзалиятноки Барномаи Созмони Ҳамкории Исломӣ /ОИС/ -2025 ба дастовардҳои назаррас ноил гардид. Ин нуктаро Раиси Бонки миллии Тоҷикистон Фирдавс Толибзода дар ҷаласаи 7-уми Форуми бонкҳои марказии Кумитаи доимамалкунанда оид ба ҳамкории иқтисодӣ ва тиҷоратии Созмони Ҳамкории Исломӣ (OIC-COMCEC), ки 28–29 сентябр дар шаҳри Истанбули Туркия доир гардид, зимни суханронӣ дар мавзуи «Арзёбии пешрафти Ҷумҳурии Тоҷикистон тибқи чор самти афзалиятноки Барномаи ОИС-2025» баён намуд. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Раиси Бонки миллии Тоҷикистон афзуд, ки сатҳи камбизоатӣ дар мамлакат аз 32 то 20,4 фоиз коҳиш ёфта, музди миёнаи моҳона якчанд маротиба зиёд гардид. Дар бахши молия дороиҳои бонкӣ қариб се маротиба зиёд шуда, сатҳи қарзҳои ғайрифаъол ба таври назаррас коҳиш ёфт. Дастовардҳои муҳим ҳамчунин дар самти рақамисозӣ ба қайд гирифта шуданд: шумораи муштариёни мобилӣ ва интернетӣ дар даҳ соли охир даҳҳо маротиба афзуда, ҳаҷми пардохтҳои ғайринақдӣ ба миллиардҳо доллари амрикоӣ расид. Ин раванд барои аҳолӣ ва соҳибкорон имконияти нави молиявӣ фароҳам овард ва ба рушди иқтисоди рақамӣ замина гузошт.
Раиси Бонки миллии Тоҷикистон иброз намуд, ки Тоҷикистон пайваста ба принсипҳои рушди фарогир ва суботи иҷтимоӣ такя карда, ҷонибдори таҳкими ҳамбастагии минтақавӣ ва ҳамкории дастҷамъонаи давлатҳои аъзои Созмони Ҳамкории Исломӣ мебошад.
АКС: Бонки миллии Тоҷикистон
Муовини Сарвазири Тоҷикистон бо вазъи соҳаи кишоварзӣ дар Ҳисор, Турсунзода ва Шаҳринав шинос шуд
Ҷаласаи нахустини Комиссияи давлатӣ оид ба радиобасомадҳои Ҷумҳурии Тоҷикистон доир шуд
Ҷаласаи Кумитаи муштараки роҳбарикунандаи Ҳукумати Тоҷикистон ва Созмони Милали Муттаҳид доир шуд
ҚУРБИ АСЪОР: 1 рубли русӣ аз 0.1215 то 0.1236 сомонӣ муқаррар шудааст
Нишасти Кумитаи пайгирии иҷрои Протоколи Комиссияи муштараки Тоҷикистону Эрон баргузор гардид
Дар Минтақаи озоди иқтисодии «Кӯлоб» Маркази логистикӣ таъсис дода мешавад
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
Дар Тотористон бо соҳибкорони Тоҷикистон вохӯрӣ доир гардид
Президенти Бонки Осиёии Рушд Масато Канда ба Тоҷикистон меояд
Хатҳои интиқоли барқ дар Кӯҳистони Мастчоҳ бояд навсозӣ карда шаванд
Дар Минтақаи озоди иқтисодии «Данғара» таъсиси корхонаҳои нав бо сармоягузорони эронӣ баррасӣ гардид
