РӮЗИ ДАЪВАТШАВАНДА. 300 ҷавони шаҳри Турсунзода ба таври ихтиёрӣ ба сафи Артиши миллӣ пайвастанд
ТУРСУНЗОДА, 01.10.2025/АМИТ «Ховар»/. Зимни ҳамоиши тантанавӣ бахшида ба Рӯзи даъватшаванда дар шаҳри Турсунзода 300 нафар ҷавонон ба таври ихтиёрӣ ба сафи Қувваҳои Мусаллаҳи Ҷумҳурии Тоҷикистон ҳамроҳ гардиданд, ки ин 60 фоизи нақшаи даъватро ташкил медиҳад. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии шаҳри Турсунзода иттилоъ доданд.
Раиси шаҳри Турсунзода Парвиз Акрамзода иброз дошт, ки «хизмат ба Ватан ва ҳифзи оромию осоиштагии сарзамини муқаддас қарзи шаҳрвандии ҳар ҷавонмард мебошад. Артиши миллӣ мактаби бузурги тарбияи ирода, ҷасорат, шуҷоат ва ватандӯстӣ ба ҳисоб меравад. Иҷрои ин қарз нишонаи камолоти инсонии ҳар ҷавон мебошад. Танҳо чунин муносибат, яъне садоқати ҳар яки мо ба ватан ва халқи Тоҷикистон моро аз ҳама таҳдиду хатарҳои замони муосир эмин нигоҳ медорад».
Тибқи иттилои масъулини комиссариати ҳарбии шаҳри Турсунзода, аз ҳисоби Вазорати мудофиаи Тоҷикистон ва Мақомоти иҷроияи ҳокимияти давлатии шаҳри Турсунзода дар Ташкилоти ҷамъиятии «Мададгори мудофиа» 220 нафар ҷавонон аз даври омӯзишии ронандагӣ гузашта, имрӯз ҳамчун мутахассис-ронанда ба сафи Артиши миллӣ ҳамроҳ шуданд.
Волидайни даъватшавандагон дар маросими гусели фарзандонашон изҳор доштанд, ки «мо шукронаи сулҳу амонии мамлакатамонро мекунем, зеро файзу баракат ва ҳаёти осуда аз сулҳу субот вобаста мебошад. Хизмат ба Ватан ва ҳифзи оромию осоиштагии сарзамини муқаддас барои ҳар шаҳрванди ин мамлакат, аз ҷумла насли ҷавон қарзи ҷавонмардӣ мебошад. Аз ин рӯ ба хотири пойдор мондани сулҳу субот, оромию тинҷӣ ва ҳимояи Ватан-Модар мо фарзандонамонро дар руҳияи ватандӯстӣ тарбия намуда, имрӯз бо ифтихори баланд ба сафи Артиши миллӣ гусел менамоем».
Баъди анҷоми барномаи фарҳангӣ даъватшавандагонро дар фазои тантанавӣ бо анъанаи неки «Кулчагазон»-у дуои неки модарон ба сафи Қувваҳои Мусаллаҳи Ҷумҳурии Тоҷикистон гусел намуданд.
АКС: Мақомоти иҷроияи Ҳокимияти давлатии шаҳри Турсунзода
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
