Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
ДУШАНБЕ, 10.10.2023 /АМИТ «Ховар»/. Имрӯз вохӯрии Вазири рушди иқтисод ва савдои Тоҷикистон Завқӣ Завқизода бо Вазири рушди иқтисоди Федератсияи Русия Максим Решетников баргузор гардид, ки дар он ҳамчунин Вазири кишоварзии Ҷумҳурии Тоҷикистон Қурбон Ҳакимзода ва Директори Агентии содироти назди Ҳукумати Ҷумҳурии Тоҷикистон Баҳриддин Сироҷиддинзода иштирок намуданд. Дар ин хусус ба АМИТ «Ховар» аз Вазорати рушди иқтисод ва савдо хабар доданд.
Завқӣ Завқизода иброз намуд, ки бо шарофати сиёсати хирадмандонаи сарони давлатҳо- Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Федератсияи Русия муҳтарам Владимир Путин муносибатҳои дуҷонибаи Тоҷикистон ва Русия сол то сол то ба сатҳи стратегӣ рушд ёфтаанд. Натиҷаҳои сафари давлатии Президенти Федератсияи Русия муҳтарам Владимир Путин ба Ҷумҳурии Тоҷикистон ба таҳкими минбаъдаи ҳамкории ҳамаҷониба ва шарикии стратегӣ байни ду давлат такони иловагӣ мебахшад.
Дар вохӯрӣ ҷонибҳо иҷрои дастуру супоришҳои дар музокироти сарони давлатҳо додашуда, масъалаҳои афзоиш додани содироти молу маҳсулоти Тоҷикистон ба Русия, аз ҷумла маҳсулоти кишоварзӣ, саноатӣ ва нассоҷиро муҳокима намуданд.
Гардиши савдои хориҷии Тоҷикистон бо Федератсияи Русия дар 8 моҳи соли равон тақрибан 1,5 миллиард долларро ташкил дода, нисбат ба ҳамин давраи соли 2024 14 фоиз афзудааст.
Ҷонибҳо инчунин масъалаҳои рушди ҳамкории тиҷоратӣ, саноатӣ, кишоварзӣ ва сармоягузориро баррасӣ намуда, андешидани тадбирҳои иловагиро барои амалисозии Харитаи роҳ оид ба густариши ҳамкории тиҷоратию иқтисодӣ зарур шумориданд.
Максим Решетников изҳор дошт, ки Русия ҷонибдори густариши ҳамкории тиҷоратию иқтисодӣ ва сармоягузорӣ бо Тоҷикистон буда, вобаста ба афзоиши содироти молҳои Тоҷикистон ба Русия, бартараф намудани монеъаҳои мавҷуда, татбиқи лоиҳаҳои сармоягузории муштарак, самаранок гардонидани механизми долони «сабз», инчунин таъсиси маркази логистикӣ таклифҳои мушаххас пешниҳод намуд.
Ҷонибҳо ба мувофиқа расиданд, ки ҳафтаи оянда тавассути видеоконфронс иҷрои мувофиқаҳои бадастомадаро пайгирӣ намоянд.
АКС: Вазорати рушди иқтисод ва савдои Ҷумҳурии Тоҷикистон
Масъалаҳои рушди ҳамкории Тоҷикистон ва Русия дар соҳаи энергетика баррасӣ гардиданд
Намояндаи Тоҷикистон дар Конфронси 30-юми ҷаҳонии сармоягузорӣ дар Женева иштирок кард
Тоҷикистон ва Қазоқистон дар соҳаи рушди низоми тиҷорати электронӣ ҳамкориро тақвият медиҳанд
Байни Тоҷикистон ва Арабистони Саудӣ дар самти муқовимат ба коррупсия Ёддошти тафоҳум оид ба ҳамкорӣ ба имзо расид
САРФАИ НЕРУИ БАРҚ МАСЪУЛИЯТИ АХЛОҚИИ ҲАР ЯК ШАҲРВАНД АСТ! Чанд тавсия дар Рӯзи байналмилалии сарфаи энергия
Дар Конфронси байналмилалии телекоммуникатсия се самти афзалиятноки рушди соҳаи алоқаи Тоҷикистон муаррифӣ гардид
РӮЗИ БАЙНАЛМИЛАЛИИ САРФАИ ЭНЕРГИЯ. Истифодаи самараноки неруи барқ яке аз ҳадафҳои муҳими Стратегияи миллии рушди Тоҷикистон аст
Тоҷикистон ва Қазоқистон ҳамкориро дар соҳаи зеҳни сунъӣ густариш медиҳанд
Идоракунии устувори захираҳои обҳои зеризаминӣ дар Тоҷикистон баррасӣ гардид
Пахтакорони пешсафи ноҳияи Дӯстӣ қадрдонӣ карда шуданд
Дар ноҳияи Спитамен ба зимистонгузаронӣ ва таъмини фаъолияти устувори шабакаҳои барқӣ омодагӣ мебинанд
Ҳамкории саноатӣ ва сармоягузории Тоҷикистону Қазоқистон густариш меёбад
