35-СОЛАГИИ ИСТИҚЛОЛИ ДАВЛАТӢ. Дар Балҷувон 180 иншооти таъйиноти гуногун ба истифода дода шуд

ДУШАНБЕ, 22.11.2025 /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон дар ноҳияи Балҷувони вилояти Хатлон 257 иншооти гуногун сохта мешавад. То имрӯз 180 иншоот мавриди истифода қарор гирифтааст, ки  70 фоизи иҷрои нақшаро ташкил медиҳад.

Тавре ба хабарнигори минтақавии АМИТ «Ховар» аз мақомоти иҷроияи ҳокимияти давлатии ноҳия иттилоъ доданд, дар айни замон дар ноҳия 7 меҳмонхона, 5 мавзеи сайёҳӣ, 4 осорхона, 3 ширкати сайёҳӣ, 37 ёдгории таърихию фарҳангӣ, 4 зиёратгоҳ ва 2 боғи фарҳангию фароғатӣ барои сайёҳони дохилию хориҷӣ хизмат мерасонанд.

Бо дастгирии Ҳукумати Ҷумҳурии Тоҷикистон ва сиёсати Пешвои миллат муҳтарам Эмомалӣ Раҳмон оид ба рушди соҳаи сайёҳӣ солҳои охир дар Балҷувон корҳои зиёде амалӣ шудаанд. Беҳтар намудани роҳҳои автомобилгард, бунёди нуқтаҳои хизматрасонӣ ва марказҳои иттилоотӣ барои сайёҳон аз ҷумлаи корҳои ободонию созандагӣ дар рушди соҳаи сайёҳӣ ба шумор мераванд.

АКС: Мақомоти иҷроияи ҳокимияти давлатии ноҳияи Балҷувон