Аъзои ҲХДТ намоиши «Достони Сиёвуш»-и «Шоҳнома»-ро тамошо намуданд
ДУШАНБЕ, 25.11.2025 /АМИТ «Ховар»/. Бахшида ба Рӯзи Парчами давлатии Ҷумҳурии Тоҷикистон бо ибтикори дастгоҳи Кумитаи иҷроияи марказии Ҳизби Халқии Демократии Тоҷикистон дар Муассисаи давлатии «Театри давлатии академии драмавии ба номи Абулқосим Лоҳутӣ» чорабинии тантанавӣ ва тамошои дастҷамъонаи намоиши «Достони Сиёвуш» аз рӯйи асари безаволи «Шоҳнома»-и Абулқосим Фирдавсӣ доир гардид. Дар ин хусус ба АМИТ «Ховар» аз Ҳизби Халқии Демократии Тоҷикистон хабар доданд.
Иброз гардид, ки дар Тоҷикистон ҳамасола 24 ноябр Рӯзи Парчами давлатӣ бо шукуҳу тантанаи хосса таҷлил мегардад. Ин санаи муборак ифодагари эҳтиром ва арҷгузорӣ ба муқаддасоти миллӣ, бахусус Парчами давлатӣ мебошад. Парчам на танҳо рамзи давлат, балки ифтихори миллии ҳар тоҷику тоҷикистонӣ буда, гувоҳи равшани истиқлолияти мамлакат, таҷассуми ғурури миллӣ ва ифодаи ватандӯстии мо мебошад.
Театр ҳамчун падидаи санъати ҷаҳонӣ дар инъикоси ҳаёт, тарбияи ахлоқӣ ва ҳифзи фарҳанги миллӣ ҳамеша нақши муҳим бозидааст. Дар ин робита театри тоҷик низ истисно нест. Он на танҳо макони намоиши асарҳои бадеӣ, балки ганҷинаи арзишманди фарҳанги миллӣ, оинаи рӯзгори мардум ва манбаи илҳоми наслҳои гуногун буда, парчамбардори фарҳанги миллии мо аст.
Намоиши «Достони Сиёвуш»-ро ҳунармандони театр бо касбияти баланд манзур намуданд ва он аз ҷониби тамошобинон бо хушнудӣ пазируфта шуд.
АКС: Кумитаи иҷроияи марказии Ҳизби Халқии Демократии Тоҷикистон
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
