БАРНОМАИ МАҚСАДНОКИ ДАВЛАТИИ РУШДИ ИЛМҲОИ РИЁЗӢ, ДАҚИҚ ВА ТАБИӢ. Доир ба он муҳокимаи парламентӣ баргузор шуд
ДУШАНБЕ, 28.11.2025 /АМИТ «Ховар»/. Бо иштироки муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ дар асоси нақшаи кории кумита оид ба илм, маориф, фарҳанг ва сиёсати ҷавонон доир ба иҷрои «Барномаи мақсадноки давлатии рушди илмҳои риёзӣ, дақиқ ва табиӣ барои солҳои 2021-2025» муҳокимаи парламентӣ баргузор гардид. Дар ин хусус ба АМИТ «Ховар» аз Маҷлиси намояндагон хабар доданд.
Иброз гардид, ки Президенти Ҷумҳурии Тоҷикистон муҳтарам Эмомалӣ Раҳмон дар суханрониҳояшон пайваста баланд бардоштани сатҳу сифати таълим, ҷалби наврасону ҷавонон ба омӯзиш ва инчунин рушди фанҳои дақиқу фароҳамоварии шароити зарурии таълимиро дар саросари мамлакат таъкид менамоянд.
Аз ҷониби Ҳукумати мамлакат дар ин давра силсилаи стратегия ва барномаю консепсияҳои миллӣ ба хотири рушд ва ислоҳоти соҳаҳои илму маориф қабул шуда, мавриди амал қарор гирифтаанд. Ин барои беҳтар намудани фаъолияти олимону омӯзгорон ва ҷалбу рушди истеъдодҳои ҷавон шароити мусоид фароҳам оварда, ба сатҳу сифати таълиму тарбия дар ҳама зинаҳои таҳсил такони ҷиддӣ бахшид.
Маҳз ба хотири боз ҳам беҳтар ба роҳ мондани омӯзиши илмҳои табиатшиносӣ, дақиқ ва риёзӣ, инчунин инкишофи тафаккури техникии насли наврас солҳои 2020-2040 «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» эълон гардиданд. Дар робита ба ин ҳамасола таҳти сарпарастии Сарвари давлат Озмуни ҷумҳуриявии «Илм – фурӯғи маърифат» доир карда мешавад.
Ба тасвиб расидани қарори Ҳукумати Ҷумҳурии Тоҷикисон аз 30 апрели соли 2021 Дар бораи «Барномаи мақсадноки давлатии рушди илмҳои риёзӣ, дақиқ ва табиӣ барои солҳои 2021-2025» идомаи татбиқи ҳадафҳои Роҳбари давлат ба шумор меравад.
Дар интиҳо аз рӯи масъалаи баррасишуда қарори дахлдор қабул карда шуд.
АКС: Маҷлиси намояндагони Маҷлиси Олии Ҷумҳурии Тоҷикистон
Ҷаласаи навбатии Кумитаи доимии масъалаҳои иҷтимоӣ ва фарҳангии Ассамблеяи парламентии Осиё баргузор мешавад
Ҷаласаи ғайринавбатии Шурои Маҷлиси намояндагони Маҷлиси Олии Ҷумҳурии Тоҷикистон баргузор гардид
Тоҷикистону Чин робитаҳои байнипарламентиро густариш медиҳанд
Дилноза Аҳмадзода: «Истиқлолият заминаи асосии таҳкими давлатдории миллӣ ва рушди Тоҷикистон гардид»
Файзалӣ Идизода сокинони Сангворро ба гиромӣ доштани дастовардҳои Истиқлоли давлатӣ даъват намуд
35 СОЛИ СОҲИБИСТИҚЛОЛӢ. Марҳилаи пур аз рӯйдодҳои муҳим, созандагӣ ва дастовардҳои беназири Тоҷикистон
Вакилони Маҷлиси намояндагон ба фаъолони ноҳияҳои Исмоили Сомонӣ ва Шоҳмансури пойтахт моҳияти Истиқлоли давлатиро шарҳ доданд
Муовини якуми Раиси Маҷлиси намояндагон бо фаъолони шаҳри Панҷакент вохӯрӣ намуд
Файзалӣ Идизода бо аскарону афсарон ва фаъолони ноҳияи Сангвор вохӯрӣ намуд
Вохӯрии вакили Маҷлиси намояндагон бо кормандони Раёсати Вазорати корҳои дохилӣ дар шаҳри Душанбе доир шуд
Дастовардҳои соҳаи маориф дар солҳои Истиқлолияти давлатӣ дар шаҳри Ҳисор баррасӣ шуданд
