Дар Қатар рушди инфрасохтори муассисаҳои таълимии Тоҷикистон баррасӣ гардид
ДУШАНБЕ, 08.11.2025 /АМИТ «Ховар»/. Бунёди байналмилалии «Маориф аз ҳама боло» нақша дорад, ки ҷиҳати рушди инфрасохтори муассисаҳои таълимӣ ва дастгирии иқдомҳои навоваронаи Вазорати маориф ва илми Ҷумҳурии Тоҷикистон саҳми назаррас гузорад. Дар ин хусус зимни вохӯрии Вазири маориф ва илми Ҷумҳурии Тоҷикистон Раҳим Саидзода бо директори генералии Бунёди байналмилалии «Маориф аз ҳама боло» Муҳаммад Саъд Ал-Кубайсӣ, ки дар шаҳри Доҳаи Давлати Қатар баргузор гардид, иттилоъ доданд.
Тавре аз Вазорати маориф ва илми Ҷумҳурии Тоҷикистон АМИТ «Ховар» хабар доданд, дар вохӯрӣ ҷонибҳо масъалаҳои муҳимми ҳамкории дуҷониба дар соҳаи маорифро баррасӣ намуданд.
Дар рафти вохӯрӣ ҷонибҳо вобаста ба бунёд ва навсозии муассисаҳои таълимии нав ва муассисаҳое, ки дар ҳолати садамавӣ қарор доранд, гуфтушунид намуданд.
Гуфта шуд, ки бунёди муассисаҳои нав, фароҳам овардани шароити муосир ва муҳити бехатар дар онҳо, мусоидат ба азхудкунии илму дониш барои хонандагон ва боло бурдани сатҳу сифати таълим нақши муҳим дорад.
Таъкид гардид, ки рушди инфрасохтори соҳаи маориф, аз ҷумла, бунёди муассисаҳои таълимӣ бо таҷҳизоти наву замонавӣ, заминаи устувор барои таъмини баробарии дастрасӣ ба таҳсил мебошад.
АКС: Вазорати маориф ва илми Ҷумҳурии Тоҷикистон
Дар Донишгоҳи давлатии омӯзгории Тоҷикистон ҷашни Наврӯз таҷлил гардид
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
