Намояндаи Тоҷикистон дар Форуми Созмони ҳамкории Шанхай оид ба рушди устувор иштирок намуд
ДУШАНБЕ, 19.11.2025 /АМИТ «Ховар»/. 17 ноябр дар шаҳри Москваи Федератсияи Русия Форуми Созмони ҳамкории Шанхай оид ба рушди устувор баргузор гардид, ки дар он муовини якуми Вазири рушди иқтисод ва савдо Ашурбой Солеҳзода иштирок ва суханронӣ намуд. Дар ин хусус ба АМИТ «Ховар» аз Вазорати рушди иқтисод ва савдо хабар доданд.
Дар форум намояндагони кишварҳои аъзои Созмони ҳамкории Шанхай ва давлатҳои нозир иштирок намуданд.
Ашурбой Солеҳзода изҳор намуд, ки бо ибтикори Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ташаббусҳои Ҷумҳурии Тоҷикистон оид ба масъалаҳои обу иқлим, ҳифзи пиряхҳо ва зеҳни сунъӣ, инчунин қатъномаҳои Созмони Милали Муттаҳид қабул гардиданд. Ин ҳама мамлакати моро дар масъалаҳои рушди устувор дар ҷаҳон пешсаф гардонид.
Дар ҳуҷҷатҳои асосии стратегии Тоҷикистон масъалаҳои рушди «сабз», табодули рақамӣ ва зеҳни сунъӣ, мутобиқшавӣ ва пешгирии оқибатҳои тағйирёбии иқлим ва дигар масъалаҳо афзалият ба ҳисоб мераванд.
Бо ташаббуси Тоҷикистон «Стратегияи рушди иқтисодии Созмони ҳамкории Шанхай барои давраи то соли 2030» қабул гардид, ки дар он Ҳадафҳои рушди устувор ҳамгироӣ шудаанд. Дар заминаи ин стратегия дигар ҳуҷҷатҳо, аз ҷумла барномаҳо ва харитаи роҳи муштарак қабул карда мешаванд.
Тавре Ашурбой Солеҳзода иброз дошт, Ҳукумати Тоҷикистон барои таҳия ва татбиқи самараноки ин ҳуҷҷатҳо бо ҷонибҳои ҳавасманд ҳамкорӣ менамояд.
АКС: Вазорати рушди иқтисод ва савдои Ҷумҳурии Тоҷикистон
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
