Намояндаи Тоҷикистон дар Муколамаи Манама иштирок намуд

ДУШАНБЕ, 03.11.2025 /АМИТ «Ховар»/. 31 октябр – 2 ноябр дар шаҳри Манамаи Подшоҳии Баҳрайн муовини Вазири корҳои хориҷии Ҷумҳурии Тоҷикистон Фаррух Шарифзода дар Муколамаи Манама (IISS Manama Dialogue), ки аз ҷониби Институти байналмилалии таҳқиқоти стратегӣ (IISS) ва Вазорати корҳои хориҷии Подшоҳии Баҳрайн ташкил гардид, иштирок намуд.

Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, зимни баргузории чорабинӣ масъалаҳои вобаста ба таъмини амният ва субот дар минтақа, таҳдидҳои глобалӣ, дипломатияи пешгирикунанда, рушди ҳамкорӣ дар соҳаҳои иқтисод, энергетика ва амнияти баҳрӣ баррасӣ гардиданд.

Иштироки Ҷумҳурии Тоҷикистон дар ин ҳамоиши сатҳи баланд имконият фароҳам овард, ки кишвар мавқеи худро оид ба масъалаҳои муҳими байналмилалӣ иброз намояд ва робитаҳои мутақобилан судмандро бо шарикони минтақавӣ ва ҷаҳонӣ таҳким бахшад.

          АКС: Вазорати корҳои хориҷии Ҷумҳурии Тоҷикистон