Парвозҳои мунтазам дар хатсайри Киш – Душанбе – Киш оғоз гардиданд
ДУШАНБЕ, 27.11.2025 /АМИТ «Ховар»/. Имрӯз парвозҳои мунтазам дар хатсайри Киш – Душанбе – Киш оғоз гардиданд. Парвозҳо дар ин хатсайр аз ҷониби ширкати Fly.tj ҳафтае як маротиба- рӯзи панҷшанбе ба роҳ монда мешаванд, хабар медиҳад АМИТ «Ховар».
Ба иттилои Агентии авиатсияи граждании назди Ҳукумати Ҷумҳурии Тоҷикистон, оғози парвозҳо дар ин масир дар доираи таҳкими ҳамкории авиатсионӣ байни Тоҷикистон ва Эрон ба роҳ монда шудааст. Парвозҳо дар хатсайри Киш – Душанбе – Киш аз ҷониби ширкати Fly.tj анҷом дода мешаванд.
Ёдовар мешавем, ки 11 ноябри соли равон дар шаҳри Душанбе мулоқоти Директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода бо Президенти Маъмурияти авиатсияи граждании Ҷумҳурии Исломии Эрон Ҳусейн Пурфарзона баргузор гардид. Зимни он парвозҳои мунтазам дар самти Машҳад – Душанбе – Машҳад ва хатсайри Киш – Душанбе – Киш баррасӣ гардиданд.
Бояд иброз намуд, ки дар доираи татбиқи сиёсати «Осмони кушод», ки мувофиқи қарори Ҳукумати Ҷумҳурии Тоҷикистон амалӣ мегардад, дар фурудгоҳҳои байналмилалии мамлакат барои тамоми намуди хизматрасониҳо ба андозаи 40 фоиз тахфиф пешбинӣ карда шудааст. Ин иқдом бо мақсади ҷалби ширкатҳои байналмилалии ҳавопаймоӣ ва рушди минбаъдаи ҳамкории авиатсионӣ ба роҳ монда шудааст.
Хотиррасон мешавем, ки то ин муддат байни ду мамлакат аз ҷониби Ҷумҳурии Тоҷикистон ширкати ҳавопаймоии «Сомон Эйр» ва аз ҷониби Ҷумҳурии Исломии Эрон ширкати ҳавопаймоии «Вориш Эйрлайнз» парвозҳо анҷом медоданд.
Инчунин 17 ноябр парвозҳои мустақим дар самти Машҳад – Душанбе – Машҳад аз ҷониби ширкати ҳавопаймоии «Раймон Эйрлайнз» оғоз гардиднд.
Зарангези ЛАТИФ,
АМИТ «Ховар»
АКС: АМИТ «Ховар»
Қоҳир Расулзода бо вазири федералии энергетикии Покистон Авайс Аҳмад Хан Леғарӣ мулоқот намуд
Ҷаласаи Гурӯҳи кории намояндагони мақомоти гумруки Тоҷикистон ва Узбекистон баргузор гардид
Дар Душанбе рафти татбиқи лоиҳаҳои муштарак бо Бонки Олмонии рушд баррасӣ гардид
Аҳамияти муҳими «CASA -1000» дар ҷаласаи 8-уми Комиссияи муштараки ҳамкории иқтисодии Тоҷикистон ва Покистон баррасӣ шуд
«Амонатбонк» ҳамкориро бо Бонки кишоварзии Чин тақвият медиҳад
Ҳаракати қатораи мустақими мусофирбар дар масири Душанбе — Москва барқарор карда шуд
Шурои Гурӯҳи Бонки ҷаҳонӣ Барномаи шарикии кишварӣ барои Тоҷикистонро қабул намуд
Барои ҳаракати нақлиёти боркаши гаронвазн дар роҳҳои мошингард маҳдудият ҷорӣ гардид
Ҷаласаи 8-уми Комиссияи муштараки ҳамкории тиҷоратӣ, иқтисодӣ ва илмӣ-техникии Тоҷикистон ва Покистон баргузор шуд
Дар ноҳияи Зафаробод ҷамъоварии ҳосили ғалладонагиҳо оғоз гардид
«ХАТЛОН — САРЗАМИНИ ТАМАДДУНҲО ВА САЁҲАТ». Дар Чилдухтарон форум ва намоишгоҳи байналмилалии сайёҳӣ баргузор мешавад
Дар Бохтар масъалаи таҳкими ҳамкорӣ дар соҳаи тандурустӣ бо Агентии байналмилалии неруи атомӣ баррасӣ шуд
