РУШДИ САНОАТ. Дар шаҳри Бохтар сохтмони 17 корхонаю коргоҳи истеҳсолӣ ба нақша гирифта шудааст
ДУШАНБЕ, 09.11.2025 /АМИТ «Ховар»/. Бо мақсади рушди минбаъдаи соҳаи саноат ва фароҳам овардани шароити мусоид барои соҳибкорон, бахшида ба ҷашни 35-солагии Истиқлоли давлатӣ дар шаҳри Бохтар сохтмони 17 корхонаю коргоҳи истеҳсолӣ ба нақша гирифта шудааст. Аз ин шумора, 4 корхона дар соли 2025 ифтитоҳ мегардад. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Бохтар хабар доданд.
Ин иншоот дар самтҳои истеҳсоли маҳсулоти сохтмонӣ, хӯрокворӣ, дӯзандагӣ ва таҷҳизоти маишӣ фаъолият хоҳанд кард. Баъди ба истифода додани онҳо, садҳо ҷойи нави кор таъсис ёфта, имкониятҳои истеҳсолӣ дар шаҳр ба маротиб афзун мегарданд.
Дар шаҳри Бохтар 58 адад корхонаҳои саноатӣ фаъолият доранд, ки онҳо дар самтҳои гуногуни иқтисодиёт ба рушди саноати ватанӣ, таъмини бозори дохилӣ бо маҳсулоти худӣ ва таъсиси ҷойҳои нави кор мусоидат менамоянд. Аз шумораи умумии ин корхонаҳо, 12 адад ба истеҳсоли маҳсулоти дӯзандагӣ, 21 адад ба истеҳсоли маҳсулоти хӯрокворӣ, 3 адад ба коркарди пахта, 12 адад ба истеҳсоли маҳсулоти сохтмонӣ ва 10 адади дигар ба соҳаҳои гуногун, аз ҷумла истеҳсоли маҳсулоти чӯбин, чопи рӯзномаҳо ва дигар маводҳои полиграфӣ, истеҳсоли маводи шустушӯй, трансформаторҳо, дучарха, барқ ва об машғул мебошанд.
Фаъолияти ин корхонаҳо на танҳо талаботи бозори дохилии вилояти Хатлонро қонеъ месозанд, балки қисман ба дигар минтақаҳои ҷумҳурӣ низ маҳсулот содир мегардад.
Бояд гуфт, ки сиёсати саноатикунонӣ, ки аз ҷониби Президенти мамлакат муҳтарам Эмомалӣ Раҳмон амалӣ шудааст, дар шаҳри Бохтар низ бо маром татбиқ мегардад. Бо иқдоми соҳибкорони маҳаллӣ ва дастгирии давлат шумораи корхонаҳои истеҳсолӣ дар чанд соли охир афзоиш ёфтааст.
Дар ин замина масъулини шаҳр барои рушди минбаъдаи соҳа, дастгирии соҳибкорон, ҷалби сармоягузории дохилӣ ва хориҷӣ, инчунин ворид намудани технологияҳои муосир тадбирҳои зарурӣ меандешанд.
АКС: АМИТ «Ховар»
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
