Дар Донишгоҳи байналмилалии забонҳои хориҷии Тоҷикистон омӯзиши забони ҳиндӣ баррасӣ гардид
ДУШАНБЕ, 28.12.2025 /АМИТ «Ховар»/. Масъалаҳои ҳамкории дуҷониба дар соҳаи маориф, рушди барномаҳои таълимии забонҳо, табодули академӣ ва густариши ҳамкорӣ дар самти омӯзиши забонҳои хориҷӣ, аз ҷумла забони ҳиндӣ ва баланд бардоштани сатҳи касбии омӯзгорони Донишгоҳи байналмилалии забонҳои хориҷии Ҷумҳурии Тоҷикистон ба номи Сотим Улуғзода зимни вохӯрии Сафири Фавқулода ва Мухтори Ҷумҳурии Ҳиндустон дар Ҷумҳурии Тоҷикистон Роҷеш Уики бо ректори ин донишгоҳ Жило Гулназарзода баррасӣ гардид.
Тавре ба АМИТ «Ховар» аз Донишгоҳи байналмилалии забонҳои хориҷии Тоҷикистон хабар доданд, ҷонибҳо дар ҷараёни вохӯрӣ имконияти ҷалби омӯзгорону донишҷӯён ба барномаҳои табодули таҷриба, ташкили даврҳои омӯзишӣ, ба роҳ мондани лоиҳаҳои муштарак ва чорабиниҳои фарҳангиро муҳокима намуда, барои таҳкими ҳамкории минбаъда изҳори омодагӣ карданд.
Жило Гулназарзода дар вохӯрӣ доир ба фаъолияти ихтисоси забони ҳиндӣ, ҷалби донишҷӯён барои таҳсили кӯтоҳмуддат ба Ҷумҳурии Ҳиндустон ва такмили ихтисоси як гурӯҳ омӯзгорони забонҳои ҳиндӣ ва англисӣ дар донишгоҳ иттилоъ дод.
Ҳамчунин таъкид шуд, ки соли 2025 омӯзгорони Донишгоҳи байналмилалии забонҳои хориҷии Тоҷикистон китоби Президенти Ҷумҳурии Тоҷикистон муҳтарам Эмомалӣ Раҳмон «Забони миллат — ҳастии миллат»-ро ба забони ҳиндӣ тарҷума ва ба табъ расониданд. Роҷеш Уики аз ин иқдом истиқбол намуда, барои зиёд намудани шумораи донишҷӯён ва омӯзгорон дар барномаҳои ITEC ва ICCR пешниҳоди мушаххас намуд.
Дар анҷоми вохӯрӣ ба Сафири Ҳиндустон нусхаи тарҷумаи ҳиндии китоби «Забони миллат-ҳастии миллат»-и Президенти Ҷумҳурии Тоҷикистон муҳтарам Эмомалӣ Раҳмон тақдим гардид.
АКС: Донишгоҳи байналмилалии забонҳои хориҷии Тоҷикистон ба номи Сотим Улуғзода
Корманди Донишгоҳи давлатии омӯзгории Тоҷикистон соҳиби ҷоизаи «Мутахассиси муносибатҳои байналмилалии сол –2025» гардид
Ғолибони «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» муайян гардиданд
Дар Донишгоҳи техникии Тоҷикистон оид ба шарҳи Паёми Президенти Тоҷикистон ба Маҷлиси Олӣ ҳамоиш доир шуд
Дар Донишгоҳи давлатии Бохтар татбиқи технологияҳои муосири рақамӣ ва алгоритмҳои зеҳни сунъӣ баррасӣ гардид
Қабули Қонуни Ҷумҳурии Тоҷикистон «Дар бораи мақоми омӯзгор» рамзи эҳтиром ба заҳмати омӯзгор аст
Дар Донишгоҳи давлатии Кӯлоб бахшида ба Паёми Президенти Тоҷикистон ба Маҷлиси Олӣ ҳамоиш баргузор шуд
ҚОНУН «ДАР БОРАИ МАҚОМИ ОМӮЗГОР». Қабули он далели таваҷҷуҳи рӯзафзуни Ҳукумати Тоҷикистон нисбат ба тарбиятгарони насли наврас аст
Дар Донишгоҳи байналмилалии сайёҳӣ ва соҳибкории Тоҷикистон олимпиадаи хонандагони синфҳои 11 оғоз гардид
ТАВАҶҶУҲИ ХОССА БА СОҲАИ МАОРИФ ДАР ПАЁМИ ПРЕЗИДЕНТИ ҶУМҲУРИИ ТОҶИКИСТОН. Андешаҳо дар мавриди самтҳои асосии ин соҳаи муҳим
Густариши ҳамкории илмии Донишгоҳи давлатии ҳуқуқ, бизнес ва сиёсати Тоҷикистон бо донишгоҳҳои Корея баррасӣ шуд
Байни Маркази ҷумҳуриявии дарёфт ва рушди истеъдодҳо ва ширкати академии «Bright»-и Шоҳигарии Камбоҷа Ёддошти тафоҳум имзо гардид
НИЗОМИ ДУВОЗДАҲСОЛАИ ТАЪЛИМ. Дар Тоҷикистон барои гузариш ба он омодагӣ мебинанд
