Дар Душанбе Форуми дуюми байналмилалии соҳаи саноати маъданҳои кӯҳӣ-металлургии Тоҷикистон баргузор мешавад
ДУШАНБЕ, 03.12.2025 /АМИТ «Ховар/. 9 декабр дар шаҳри Душанбе Форуми дуюми байналмилалии соҳаи саноати маъданҳои кӯҳӣ-металлургии Тоҷикистон баргузор мешавад, хабар медиҳад мухбири АМИТ «Ховар».
Чорабинӣ бо дастгирии Вазорати саноат ва технологияҳои нави Ҷумҳурии Тоҷикистон доир карда мешавад.
Ҳадафи ҳамоиш асосан ба ноил шудан ба ҳадафи 4-уми стратегии Ҷумҳурии Тоҷикистон оид ба саноатикунонии босуръат, дастгирии рушди устувори саноатӣ, таҷдид ва тавсеаи робитаҳои ҳамкории минтақавӣ, инчунин фаъолсозӣ ва рушди ҳамкорию шарикӣ дар соҳаи саноат мебошад.
«Бо назардошти он ки дар назди мо барои суръат бахшидан ба саноатикунонии мамлакат ва ду баробар афзоиш додани истеҳсолоти саноатӣ вазифаҳои муҳим истодаанд, ин форум нақши калидӣ дорад. Дар доираи форум ҷаласаҳои мавзуӣ доир ба самтҳои геологӣ, сармоягузорӣ, саноатӣ ва металлургӣ баргузор карда мешаванд. Мо барои ҷалби сармоя ба мамлакат, яъне барои азхудкунии сарватҳое, ки дар Вилояти Мухтори Кӯҳистони Бадахшон ҷойгиранд, фазо ва ҷойи хуб пайдо кардем»,-хабар доданд аз Вазорати саноат ва технологияҳои нав.
Коршиносони соҳаи саноат дурнамои рушди бозори истихроҷи маъдан ва металлургияи мамлакат, навоварӣ дар таҷҳизот ва технологияҳои истихроҷ ва коркарди маъданҳо, технологияҳои рушди устувор ва масъалаҳои дигарро баррасӣ мекунанд.
Омили асосии афзоиши ҳаҷми умумии истеҳсоли маҳсулоти саноатӣ дар Тоҷикистон афзоиши истеҳсолот дар саноати истихроҷ, саноати коркард, коркарди партовҳо ва ба даст овардани ашёи хоми дуюмдараҷа мебошад.
Ёдовар мешавем, ки Форуми якуми сармоягузории соҳаи саноати маъданҳои кӯҳӣ-металлургии Тоҷикистон, ки соли 2024 баргузор шуд, аввалин чорабинии пешбар дар соҳаи истихроҷи маъдан ва металлургия гардид. Чунин чорабиниҳо барои табодули афкор ва таҷрибаи касбии коршиносони соҳа, баррасии дурнамои инкишофи бозори маъдани кӯҳӣ ва металлургии мамлакат, навигариҳои соҳаи техникаю технологияи истихроҷ ва коркарди маъданҳои фоиданок заминаи муассир фароҳам меоранд.
АКС аз бойгонӣ
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
