Дар ноҳияи Ёвон кишти картошка вусъат меёбад
ДУШАНБЕ, 11.12.2025 /АМИТ «Ховар»/. 11 декабр дар Ҷамоати деҳоти Даҳанаи ноҳияи Ёвон дар 1,3 гектар кишти картошка анҷом дода шуд. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ёвон хабар доданд.
Ташкили кишти картошка бо мақсади таъмин намудани нақшаи истеҳсоли маҳсулоти кишоварзӣ, саҳмгузорӣ барои иҷрои ҳадафи стратегии амнияти озуқаворӣ ва истифодаи самараноки замин амалӣ гардид.
Раиси ноҳияи Ёвон Икромиддин Вализода гуфт, ки мутобиқи дастуру супоришҳои протоколии Ҳукумати Тоҷикистон мақомоти маҳаллӣ вазифадоранд, ки иқтидори истеҳсолии хоҷагиҳои деҳқонӣ ва инфиродиро то ҳадди имкон боло бардоранд ва заминҳои корамро пурра ба гардиши истеҳсолӣ ҷалб намоянд.
Масъулин ва кишоварзон вазифадор гардиданд, ки минбаъд ба нигоҳубини дурусти зироат, анҷом додани коркарди агротехникӣ, обёрии саривақтӣ ва пешгирии ҳар гуна ҳашароти зараррасон таваҷҷуҳи махсус зоҳир намоянд.
Таъкид гардид, ки татбиқи дастуру супоришҳои протоколии Ҳукумати Ҷумҳурии Тоҷикистон танҳо дар ҳолате натиҷаи дилхоҳ медиҳад, ки масъулин дар ҳама сатҳ бо масъулияти баланд фаъолият намоянд.
АКС: Мақомоти иҷроияи ҳокимияти давлатии ноҳияи Ёвон
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
Дар Тоҷикистон раванди ҷорӣ намудани низоми рамзгузории электронии молҳо амалӣ мегардад
Намоишгоҳи «Ихтироъкорон ва навоварони соҳаи нақлиёт» баргузор шуд
